नवी दिल्ली : दैनंदिन जीवनावश्यक वस्तू आणि अन्नपदार्थांच्या किमती कमी झाल्यामुळे मे महिन्यात घाऊक महागाईदर ०.३९ टक्क्यांपर्यंत खाली आला असून, ही १४ महिन्यांतील नीचांकी पातळी आहे. मार्च २०२४ च्या सुरुवातीला घाऊक महागाई दर ०.२६ टक्के होता. एप्रिलमध्ये घाऊक महागाई ०.८५ टक्क्यांपर्यंत खाली आली होती. ही १३ महिन्यांतील सर्वांत कमी पातळी होती. वाणिज्य आणि उद्योग मंत्रालयाने आज ही आकडेवारी जाहीर केली.