हाथरस येथे पीडित युवतीच्या कुटुंबियांना भेटण्यासाठी गेलेले आम आदमी पक्षाचे (आप) खासदार संजय सिंह यांच्या अंगावर शाई फेकण्याचा प्रकार घडला आहे. संजय सिंह हे पीडित युवतीच्या कुटुंबियांना भेटून बाहेर आल्यानंतर त्यांच्यावर अचानक शाई फेकण्यात आली.
(उत्तर प्रदेश): हाथरस येथे पीडित युवतीच्या कुटुंबियांना भेटण्यासाठी गेलेले आम आदमी पक्षाचे (आप) खासदार संजय सिंह यांच्या अंगावर शाई फेकण्याचा प्रकार घडला आहे. संजय सिंह हे पीडित युवतीच्या कुटुंबियांना भेटून बाहेर आल्यानंतर त्यांच्यावर अचानक शाई फेकण्यात आली.
Video: युवती अडकली वॉशिंग मशिनमध्ये...
हाथरस येथील युवतीवर झालेल्या बलात्कार प्रकरणामुळे देशात सध्या असंतोष आहे. देशभरात उत्तर प्रदेश सरकारविरोधात निदर्शने केली जात आहेत. देशातील विविध पक्षाचे नेते पीडितेच्या कुटुंबियांना भेट देऊन त्यांचे सांत्वन करत आहेत. 'आप'चे खासदार संजय सिंह हे सुद्धा त्यांना भेटायला गेले असता त्यांच्यावर शाई फेकण्याचा प्रकार घडला. अचानक हा प्रकार घडल्यामुळे गोधंळ उडाला. शाई फेकणाऱ्याला पोलिसांनी ताब्यात घेतली असून, त्याची चौकशी सुरु आहे.
पीड़ित परिवार को सांत्वना देने पहुंचे @AamAadmiParty सांसद @SanjayAzadSln जी पर स्याही फेंकवा कर भाजपा ने आज अपने स्याह पक्ष को उजागर कर दिया है।
संजय सिंह जी पर जो स्याही फेंकी गई है उसी स्याही से योगी के काले कारनामों का काला इतिहास लिखा जाएगा। pic.twitter.com/lLAuiCVzzf
— Aam Aadmi Party- Uttar Pradesh (@AAPUttarPradesh) October 5, 2020
दरम्यान, खासदार संजय सिंह यांच्या अंगावर शाई फेकल्यानंतर तणावाचे वातावरण पसरले होते. आपच्या कार्यकर्त्यांनी पोलिस प्रशासन आणि उत्तर प्रदेश सराकारविरोधात जोरदार घोषणाबाजी केली. योगी आदित्यनाथ यांचे सरकार दोषींना वाचवू पाहत असल्याचा आरोप 'आप'ने केला आहे. काँग्रेसचे माजी अध्यक्ष राहुल गांधी आणि सरचिटणीस प्रियंका गांधी यांनी हाथरस बलात्कार पीडितेच्या कुटुंबियांना भेट दिली. यावेळी उत्तर प्रदेश पोलिसांनी राहुल गांधी यांना धक्कबुक्की केल्याचा आरोप करण्यात आला होता.
