नवी दिल्ली - सोशल मीडियावर अनेकदा प्रेरणादायी स्टोरीज व्हायरल होत असतात. त्यात एक चांगला संदेश असतो त्यामुळे अशा गोष्टींवर पटकन विश्वासही बसतो आणि लोक ते खरा समजून शेअर करतात. आताही असाच एक फोटो शेअर केला जात आहे. त्यात तीन आयपीएस अधिकारी एकत्र बसलेले दिसतात. ते एकाच कुटुंबातील असून एकाच वेळी आयपीएस झाले असा दावा केला जात आहे. मात्र फोटोतील आयपीएस एकाच बॅचचे असले तरी ते एका कुटुंबातील नसल्याचं समोर आलं आहे.
डॉक्टर नौशीन खान नावाच्या ट्विटर हँडलवरून हा फोटो शेअर करण्यात आला होता. त्यानंतर अनेकांनी त्या फोटोवर टाकण्यात आलेल्या स्टोरीला खरं समजलं तर काहींनी ही फेक न्यूज असल्याचं सांगितलं. तिघांपैकी एका आयपीएस अधिकाऱ्याचे नाव श्रृत सोमवंशी असल्याचं अनेकांनी यामध्ये सांगितलं आहे. तर इतर दोघे त्यांचे बॅचमेट आहेत.
ज्या आयपीएस अधिकाऱ्यांचा हा फोटो आहे त्यापैकी आयपीएस तुषार गुप्ता यांनीही तो शेअर केला आहे. त्यामध्ये तुषार गुप्ता यांनी इतर दोघांना टॅग केलं आहे. त्यात श्रृत किर्ती सोमवंशी आणि पूजा वशिष्ठ यांचा समावेश आहे. 2017 मध्ये घेण्यात आलेल्या लोकसेवा आयोगाच्या परीक्षेत तिघे पास झाल्यानंतर 19 डिसेंबर 2018 मध्ये त्यांना कॅडर मिळाले होते.
तीनही आयपीएस अधिकारी वेगवेगळ्या राज्यांमधील आहेत. तुषार गुप्ता हे पंजाबचे तर पूजा हरियाणातील आहेत. तर श्रृत किर्ती हे उत्तर प्रदेशचे आहेत. व्हायरल होत असलेल्या स्टोरीचा आणि फोटोचा काहीच संबंध नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.