धनकर दिल्लीतच; शहांना पुन्हा भेटणार

पश्चिम बंगालचे राज्यपाल जगदीप धनकर यांनी बहुचर्चित दिल्ली दौरा लांबविला असून केंद्रीय गृह मंत्री अमित शहा यांना ते पुन्हा भेटणार असल्याची दाट शक्यता आहे.
Jagdeep Dhankhar and Amit Shah
Jagdeep Dhankhar and Amit ShahSakal

नवी दिल्ली - पश्चिम बंगालचे (West Bengal) राज्यपाल जगदीप धनकर (Jagdeep Dhankhar) यांनी बहुचर्चित दिल्ली (Delhi) दौरा लांबविला असून केंद्रीय गृह मंत्री अमित शहा (Amit Shah) यांना ते पुन्हा भेटणार असल्याची दाट शक्यता आहे. ही बैठक शुक्रवारीच होण्याची शक्यता आहे. (Dhankar Meet to Amit Shah Politics)

गुरुवारी धनकर यांनी शहा यांची भेट घेतली. तेव्हाचे छायाचित्र त्यांनी ट्विट केले. ते दिल्लीहून शुक्रवारी पश्चिम बंगालला परतणार होते, पण त्यांनी प्रयाण लांबणीवर टाकले. आता ते शनिवारी परतण्याची शक्यता आहे.

Jagdeep Dhankhar and Amit Shah
दुसरी लाट ओसरली; शाळा उघडणार का? केंद्र सरकारने दिलं उत्तर

धनकर यांनी या बैठकीत पश्चिम बंगालमधील कायदा आणि सुव्यवस्थेबाबत शहा यांना माहिती दिल्याचे समजते. विधानसभा निवडणुकीचा निकाल दोन मे रोजी लागल्यानंतर बंगालमध्ये हिंसाचाराच्या अनेक घटना घडत आहेत.

धनकर मंगळवारी दिल्लीत दाखल झाले. त्यांच्या दौऱ्याला पश्चिम बंगालच्या मुख्यमंत्री ममता बॅनर्जी यांनी आक्षेप घेतला आहे. हा दौरा घटनात्मक शिष्टचारांचा भंग करणारा असल्याचा त्यांचा दावा आहे. निवडणुकीदरम्यान हिंसाचार उसळलेल्या ठिकाणी धनकर यांनी दौरे केल्यामुळे ममता संतापल्या होत्या.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com