हे कुटुंब सांबाहून मानसर मार्गे श्रीनगरच्या दिशेनं जात होतं.
सांबा : सांबा जिल्ह्यात (Samba District) आज (शनिवार) सकाळी झालेल्या भीषण अपघातात (Car Accident) एकाच कुटुंबातील पाच जणांना आपला जीव गमवावा लागलाय, तर एक जण गंभीर जखमी आहे. सांबा जिल्ह्यातील मानसर भागात ही घटना घडलीय. संपूर्ण कुटुंब JK01U-2233 या कारमधून प्रवास करत होते. पोलिसांनी (Police) दिलेल्या माहितीनुसार, चालकाचा कारवरील ताबा सुटल्याने कार खोल दरीत कोसळली आणि यात पाच जणांना जीव गमवावा लागलाय, असं नमूद केलंय.
पोलिसांकडून मिळालेल्या माहितीनुसार, हे कुटुंब सांबाहून मानसर मार्गे श्रीनगरच्या (Srinagar) दिशेनं जात होतं. मानसर रोडवरील जमोद परिसरात एका वळणावर चालकाचा वाहनावरील ताबा सुटल्यानं कार थेट दरीत कोसळली. दरम्यान, मार्गावरून जाणारे इतर लोक आणि स्थानिकांच्या मदतीनं कारमधील सर्व लोकांना बाहेर काढण्यात आलं व तेथून त्यांना रुग्णालयात (Samba Hospital) नेण्यात आलं.
या कारमध्ये सहा जण होते. रुग्णालयात पोहोचल्यावर डॉक्टरांनी सर्व जखमींची तपासणी केली असता, त्यांनी पाच जणांना मृत घोषित केलं. पाचही जणांचा जागीच मृत्यू झाल्याचंही त्यांनी सांगितलं. दरम्यान, कारमधील सहाव्या व्यक्तीला गंभीर दुखापत झाल्याचं सांगण्यात येतंय. त्याच्यावर उपचार सुरू आहेत. सध्या मृत व जखमींची ओळख पटवण्याचे काम सुरुय.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.