बंगळूर : खाणसम्राट आणि माजी मंत्री जी. जनार्दन रेड्डी यांनी सोमवारी भाजपमध्ये प्रवेश केला. बेकायदा खाण प्रकरणातील आरोपी असलेल्या रेड्डी यांनी मागील वर्षी विधानसभा निवडणुकीपूर्वी ‘कल्याण राज्य प्रगती पक्ष’ (केआरपीपी) स्थापन करत भाजपसोबतचा दोन दशकांपासूनचा संबंध तोडला होता. रेड्डी यांनी आज त्यांचा ‘केआरपीपी’ पक्षही भाजपमध्ये विलीन केला. माजी मुख्यमंत्री बी. एस. येडियुराप्पा, प्रदेशाध्यक्ष बी. वाय. विजयेंद्र यांच्या उपस्थितीत हा पक्षप्रवेश झाला.
रेड्डी यांनी नुकतीच नवी दिल्लीत केंद्रीय गृहमंत्री अमित शहा यांची भेट घेतली होती. रेड्डी म्हणाले,‘‘आमचा पक्ष भाजपमध्ये विलीन करणे म्हणजे नरेंद्र मोदींचे हात बळकट करणे. मोदींना तिसऱ्यांदा पंतप्रधान करायचे आहे. मी कोणत्याही अटी किंवा अपेक्षा घेऊन भाजपमध्ये आलेलो नाही. मला जी जबाबदारी मिळेल, ती प्रामाणिकपणे पार पाडेन.’’
खाण गैरव्यवहारात जामीन
कोट्यवधींच्या बेकायदा खाण प्रकरणात आरोपी असलेले जनार्दन रेड्डी २०१५ पासून जामिनावर बाहेर आहेत. सर्वोच्च न्यायालयाच्या आदेशामुळे त्यांना बळ्ळारी आणि आंध्र प्रदेशातील अनंतपूर आणि कडप्पा येथे जाण्यास मनाई आहे. या निर्बंधांमुळे त्यांना २०२३ ची विधानसभा निवडणूक कोप्पळ जिल्ह्यातील गंगावती येथून लढवावी लागली. भाजप नेत्यांविषयी नाराजी व्यक्त करून रेड्डी यांनी गेल्या वर्षी नवीन पक्षाची घोषणा केली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
