Rajya Sabha Election 2024 : जया बच्चन यांना पुन्हा उमेदवारी ; समाजवादी पक्षाने राज्यसभेच्या तीन उमेदवारांची नावे केली जाहीर

नवी दिल्ली : समाजवादी पक्षाने राज्यसभेच्या तीन उमेदवारांची नावे जाहीर केली असून यात प्रसिद्ध अभिनेत्री जया बच्चन यांना पुन्हा उमेदवारी दिली आहे.

जया बच्चन यावेळी तृणमूल काँग्रेसकडून राज्यसभेत जातील, असे बोलले जात होते. परंतु समाजवादी पक्षानेच त्यांना दुसर्यांदा उमेदवारी दिली आहे. दुसर्या दोन उमेदवारांमध्ये माजी खासदार रामजीलाल सुमन व आलोक रंजन यांचा समावेश आहे.

रामजीलाल सुमन हे उत्तर प्रदेशातील दलित नेते म्हणून प्रसिद्ध असून त्यांचा आग्रा व अलिगड या भागांमध्ये चांगलाच प्रभाव आहे. त्यांना उमेदवारी देऊन दलित मतांवर नजर ठेवली आहे. त्याचप्रमाणे माजी सनदी अधिकारी राहिलेले आलोक रंजन यांना पहिल्यांदाच समाजवादी पक्षाने राज्यसभेची उमेदवारी दिली आहे.