आता काँग्रेसने मागितले उपमुख्यमंत्रिपद

Congress
Congress

रांची : झारखंड विधानसभा निवडणुकीचे निकाल लागल्यानंतर काँग्रेस-झारखंड मुक्ती मोर्चा (जेएमएम) आणि राष्ट्रीय जनता दल (राजद) आघाडीला मोठे यश मिळाले असून, जेएमएमचे हेमंत सोरेन हे मुख्यमंत्री होणार हे स्पष्ट झाले आहे. आता काँग्रेसनेही उपमुख्यमंत्रीपदाची मागणी केली आहे.

काँग्रेस आघाडीने झारखंड निवडणुकीत 47 जागा जिंकल्याने सत्ता स्थापनेचा मार्ग मोकळा झाला आहे. तर, भाजपला मोठ्या पराभवाला सामोरे जावे लागले. मुख्यमंत्री रघुबर दास यांनाही पराभवाला सामोरे जावे लागले. आता सत्तेत आलेल्या आघाडीकडून हेमंत सोरेन यांचे मुख्यमंत्रीपदावर नाव निश्चित झाल्याचे बोलले जात आहे. तर, काँग्रेस नेते सुबोधकांत सहाय यांनी उपमुख्यमंत्रीपदाची मागणी केली आहे.

सहाय म्हणाले, की काँग्रेसला झारखंडमध्ये मोठे यश मिळालेले आहे. त्यामुळे उपमुख्यमंत्रीपद आम्हाला मिळालेच पाहिजे. जनतेने मोठ्या आशेने आम्हाला निवडून दिले आहे. आताच मंत्रिमंडळाबाबत बोलणे योग्य नाही. आमच्या महाआघाडीवर मोठी जबाबदारी आहे. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com