मनी लॉन्ड्रिंग प्रकरण : ईडीच्या अटकेत असलेल्या IAS अधिकारी पूजा सिंघल निलंबित | Sakal
sakal

बोलून बातमी शोधा

IAS Officer Pooja singhal

IAS अधिकारी पूजा सिंघल यांच्यावर ईडीनं मोठी कारवाई केलीय.

मनी लॉन्ड्रिंग प्रकरण : ईडीच्या अटकेत असलेल्या IAS अधिकारी पूजा सिंघल निलंबित

झारखंडमध्ये (Jharkhand) मनी लॉन्ड्रिंग प्रकरणी (Money laundering Case) IAS अधिकारी पूजा सिंघल (Pooja Singhal) यांच्यावर मोठी कारवाई करण्यात आलीय. अनेक तासांच्या चौकशीनंतर ईडीनं (ED) काल त्यांना अटक केलीय. अलीकडेच ईडीनं पूजा सिंघल यांच्या जवळच्या नातेवाईकांच्या रांची आणि इतर ठिकाणी छापे टाकले होते. या छाप्यादरम्यान ईडीला 19 कोटींहून अधिक रोख आणि अनेक महत्त्वाची कागदपत्रे मिळाली आहेत.

दरम्यान, ईडीनं अटक केल्यानंतर आयएएस अधिकारी आणि झारखंडच्या (Jharkhand) खाणकाम खात्याच्या सचिव पूजा सिंघल यांना निलंबित करण्यात आलंय. बुधवारी ईडीनं (ED) मोठी कारवाई करत सचिव पूजा सिंघल यांना आज अटक केली. गेल्या दोन दिवसांपासून ईडीकडून त्यांची चौकशी सुरू होती. खुंटी आणि इतर ठिकाणी राबवण्यात आलेल्या मनरेगा योजनेच्या निधीत गैरव्यवहार केल्याचा ठपका ठेवत ईडीनं ही कारवाई केलीय.

हेही वाचा: IAS अधिकाऱ्यावर ईडीची मोठी कारवाई, पूजा सिंघल यांना अटक

पूजा सिंघल यांची मंगळवारी सुमारे नऊ तास चौकशी करण्यात आली. त्यानंतर आज पुन्हा सकाळी पावणेअकरापासून ईडीकडून त्यांची चौकशी करण्यात आली आणि त्यांचा जबाब नोंदवला गेला. चौकशीदरम्यान त्यांनी बचावात्मक पवित्रा घेतला आणि त्यानंतर त्यांना अटक करण्यात आली. अधिक चौकशीसाठी त्यांची कोठडी मिळावी यासाठी त्यांना रांचीतील स्थानिक न्यायालयासमोर उभं केलं जाणार आहे. दरम्यान, पूजा सिंघल यांच्या निवासस्थानाशिवाय त्यांच्या पतीच्या रांचीतील (Ranchi) रुग्णालयातही ईडीनं छापा टाकला होता.

Web Title: Jharkhand Cadre Ias Officer Pooja Singhal Suspended Ed Cash Recovery

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top