Kamalnath: कमलनाथ यांना मोठा झटका! मध्य प्रदेश गमावल्यानंतर काँग्रेसनं प्रदेशाध्यक्षपदावरुन केली हाकालपट्टी

भोपाळ : मध्य प्रदेशात नुकत्याच पार पडलेल्या विधानसभा निवडणुकांमध्ये मानहानीकारक पराभव पत्करावा लागल्यानं काँग्रेसनं मोठ पाऊल उचललं असून प्रदेशाध्यक्ष कमलनाथ यांची पदावरुन हाकालपट्टी केली आहे.

तसेच जितू पटवारी हे आता त्यांच्या जागी प्रदेशाध्यक्ष म्हणून नियुक्त करण्यात आले आहेत. तात्काळ प्रभावानं ही नियुक्ती करण्यात आली आहे. (Jitu Patwari appointed as President of Madhya Pradesh Congress Committee with immediate effect)

इतरही अनेक झाले बदल

त्याचबरोबर उमंग सिंघर यांना विधीमंडळ पक्षाचं प्रमुख म्हणून नियुक्त केलं असून हेमंत कटारे यांची मध्य प्रदेशच्या उपनेतेपदी नियुक्ती करण्यात आली आहे. ऑल इंडिया काँग्रेस कमिटीकडून या नियुक्त्या करण्यात आल्या आहेत. (Latest Marathi News)

छत्तीसगडमध्येही झाले बदल

तसेच आणखी एक गमावलेलं राज्य म्हणजे छत्तीसगड. इथेही काँग्रेसनं पक्षांतर्गत काही बदल केले आहेत. याठिकाणी विधीमंडळ पक्ष नेतेपदी चरणदास महंत यांची नियुक्ती करण्यात आली आहे. तर दीपक बैज यांची छत्तीसगडच्या प्रदेशाध्यक्षपदी नियुक्ती करण्यात आली आहे. (Marathi Tajya Batmya)