नवी दिल्ली : सर्वोच्च न्यायालयातील न्यायाधीश निवृत्तीच्या अखेरच्या दिवशी सहसा कोणताही निकाल देत नाहीत. मात्र न्या. अभय ओक हे त्याला अपवाद ठरले आहेत. आईच्या निधनानंतर अंत्यसंस्कारासाठी न्या. ओक गुरुवारी मुंबईला गेले होते. त्यानंतर निवृत्तीच्या शेवटच्या दिवशी शुक्रवारी त्यांनी दिल्ली गाठत ११ खटल्यांचा निकाल दिला. न्यायिक क्षेत्रात न्या. ओक यांनी दिलेल्या योगदानाचा सरन्यायाधीश भूषण गवई यांच्यासह अन्य मान्यवरांनी गौरव केला.