Jyoti MalhotraEsakal
देश
Jyoti Malhotra: ज्योती मल्होत्राचे ‘बिहार कनेक्शन’, सुलतानगंज येथे चार वेळा येऊन गेली; मशिदीला दिली होती भेट
ज्योतीने सन २०२३ ते सन २०२४ या कालावधीत सुलतानगंजला भेट दिल्याचे व्हिडिओ उपलब्ध आहे. तिने आपल्या प्रेक्षकांना सुलतानगंजपासून देवघरपर्यंत कावड यात्रा दाखवली असून, ज्योती सुल्तानगंज घाट, बाजार आणि इतर रेस्टॉरंटच्या आसपास फिरताना दिसत आहे.
पाटणा: पाकिस्तानसाठी हेरगिरी करणारी हरियानाची यू-ट्यूबर ज्योती मल्होत्राचे ‘बिहार कनेक्शन’ समोर आले आहे. ज्योती भागलपूरमधील सुलतानगंज येथे चार वेळा येऊन गेली होती, असे पोलिसांच्या तपासात स्पष्ट झाले आहे. याशिवाय ती देवघर आणि बासुकीनाथ येथेही काही काळ वास्तव्यास होती, असेही पोलिस सूत्रांकडून समजते.