Perfume City
esakal
भारतामध्ये अशा अनेक जागा आहेत ज्या आपल्या वेगळ्या ऐतिहासिक आणि सांस्कृतिक वारशासाठी ओळखल्या जातात. मात्र, उत्तर प्रदेशातील एक असा जिल्हा आहे ज्याची ओळख केवळ डोळ्यांनी पाहून किंवा ऐकून नाही, तर तिथल्या हवेत पसरलेल्या सुवासामुळे पटते. उत्तर प्रदेशातील कन्नौज (Kannauj) या ऐतिहासिक जिल्ह्याला संपूर्ण भारतात आणि जगात 'इत्र नगरी' (Perfume City) म्हणून ओळखले जाते. या शहराच्या कणाकणात आणि मातीमध्ये सुगंधी अत्तराचा वास दडलेला आहे, असे म्हटले तरी ते वावगे ठरणार नाही. गेल्या ४०० वर्षांहून अधिक काळापासून कन्नौजचा हा अत्तर उद्योग अखंडपणे सुरू असून आज जागतिक स्तरावर या शहराने आपली एक वेगळी ओळख निर्माण केली आहे.
