Fire Accident in Uttar Pradesh: उत्तर प्रदेशातील कानपूरमध्ये एका पाच मजली इमारतीला भीषण आग लागली. या अपघातात एकाच कुटुंबातील ५ जण जिवंत जळाले तर आणखी एका व्यक्तीचा मृत्यू झाला. मृतांमध्ये आई-वडील आणि तीन मुलींचा समावेश आहे. इमारतीच्या पहिल्या आणि दुसऱ्या मजल्यावर बूट-चप्पल बनवण्याचा कारखाना आहे. पीडित कुटुंबातील लोक तिसऱ्या आणि चौथ्या मजल्यावर राहतात. रविवारी ही भीषण आग लागली. काही क्षणातच आगीने भयानक रूप धारण केले आणि संपूर्ण इमारतीत पसरली.