Karnataka Election Result : कर्नाटकातील पहिला निकाल हाती; काँग्रेस उमेदवारानं 16 हजार मतांनी मारली बाजी

Karnataka Assembly Election Result 2023 : कर्नाटकातील पहिला निकाल हाती आला असून राज्यात भाजपला मोठा धक्का बसला आहे. चलगिरा मतदारसंघात काॅंग्रेसनं बाजी मारत विजय संपादन केला आहे.

चलगिरा मतदार संघातून काॅंग्रेसचे उमेदवार टी. रघुमूर्ती विजयी झाले आहेत. त्यांनी तब्बल 16 हजार मतांनी विजय मिळवला आहे. त्यामुळं भाजपसाठी हा मोठा धक्का मानला जात आहे.

कर्नाटक विधानसभा निवडणुकीच्या मतमोजणीला सुरुवात झाली आहे. राज्यभरातील 36 केंद्रांवर मतमोजणी होत आहे. दुपारपर्यंत कर्नाटक निवडणुकीच्या निकालाबाबत चित्र स्पष्ट होणार आहे. कर्नाटकात विधानसभेच्या एकूण 224 जागा आहेत. बहुमताचा आकडा 113 आहे. भारतीय जनता पक्ष (भाजप) आणि काँग्रेस यांच्यात चुरस पाहायला मिळत आहे.