कर्नाटकात एका २६ वर्षीय तरुणाचा लग्नाचे विधी सुरू असतानाच हृदयविकाराच्या झटक्यानं मृत्यू झाल्याची धक्कादायक घटना घडलीय. बागलकोट तालुक्यातल्या जामखंडी शहरात शनिवारी प्रवीण कुर्ने याचा लग्नसोहळा सुरू होता. वधूला मंगळसूत्र घातल्यानंतर वधु-वर एकमेकांना हार घालण्याचा विधी सुरू होता. यावेळी प्रवीणच्या छातीत दुखायला लागलं आणि तो स्टेजवर कोसळला. यानंतर त्याला रुग्णालयात नेण्यात आलं. मात्र उपचाराआधीच त्याचा मृत्यू झाला होता.