काश्मीरच्या व्यक्तीला हॉटेलमध्ये मनाई; दिल्ली पोलिसांची स्पष्टोक्ती

दिल्ली : दिल्लीत सध्या सोशल मीडियावर एक व्हिडिओ व्हायरल होत आहे. त्या व्हिडिओमध्ये एका व्यक्तीला तो जम्मू काश्मीरचा रहिवाशी असल्यामुळे हॉटेमध्ये येण्यास मनाई करण्यात येत आहे. त्या व्हिडिओत दिल्ली पोलिसांचे आदेश असल्याने आम्ही काश्मीरच्या व्यक्तींना प्रवेश नाकारत असल्याचं सांगितलं जातंय. हा व्हिडिओ सध्या वेगाने व्हायरल होत असताना त्यावर दिल्ली पोलिसांनी ट्वीट करुन कोणतेही निर्देश दिले नसल्याचं स्पष्ट केलंय.

दरम्यान दिल्ली पोलिसांनी ट्वीट करत अशा प्रकारचे कोणतेही निर्देश अथवा आदेश पोलिसांकडून देण्यात आले नसल्याचं स्पष्ट केलंय. त्यामुळे सध्या नागरिकांकडून पोलिसांची प्रतिमा खराब करण्याचा प्रयत्न केला जातोय, यामुळे त्यांच्यावर दंडात्मक कारवाई होऊ शकते असं पोलिसांनी स्पष्ट केलंय.

सदर व्हिडिओमधील पीडित व्यक्तीने युट्यूबवर पोस्ट करत म्हटलंय की मला माझ्या जम्मू काश्मीर येथील असलेल्या ओळखपत्रामुळे हॉटेलमध्ये प्रवेश नाकारला गेला आणि पोलिसांचे निर्देश असल्याचं सांगितलं. दरम्यान नंतर बोलताना ती व्यक्ती सांगते की, ती त्याच भागातील दुसऱ्या एका हॉटेलवर थांबली होती, आणि सदर हॉटेलने प्रवेश नाकारण्यासाठी दिलेले ते फक्त कारण होते.

दरम्यान या प्रकरणावर दिल्ली पोलिसांनी आपली भूमिका स्पष्ट केली आहे. काही लोक जाणीवपूर्वक चुकीचे व्हिडिओ चित्रीत करुन पोलिसांची प्रतिमा खराब करण्याचा प्रयत्न करत आहेत ज्यामुळे त्यांना दंडात्मक कारवाईला सामोरे जावं लागू शकतं. असं पोलिसांनी त्यांच्या अधिकृत ट्वीटरवरुन केलेल्या पोस्टमध्ये म्हटलं आहे.