HC on Porn:एकांतात पॉर्न पाहणे हा अश्लीलतेचा गुन्हा नाही. या संदर्भात केरळ उच्च न्यायालयाने गेल्या आठवड्यात एका व्यक्तीविरुद्ध सुरू केलेली फौजदारी कारवाई रद्द केली. मोबाईलमध्ये अश्लील व्हिडिओ पाहणाऱ्या आरोपीला पोलिसांनी रस्त्याच्या कडेला अटक केली. आरोपींच्या याचिकेवर सुनावणी करताना केरळ उच्च न्यायालयाचे न्यायमूर्ती पी.व्ही. कुन्हीकृष्णन म्हणाले की, केवळ पॉर्न व्हिडीओ पाहणे हा अश्लीलतेनुसार गुन्हा ठरत नाही.
कोर्ट म्हणालं की, जर एखादा व्यक्ती वैयक्तिकरित्या अश्लील व्हिडीओ पाहत असेल आणि तो दुसऱ्या कोणाला हा व्हिडीओ पाठवत नसेल किंवा सार्वजनिकरित्या दुसऱ्या कोणासमोर पाहत नसेल, तर भारतीय दंड संहितेनुसार हा गुन्हा ठरत नाही. न्यायालयाने आदेश दिला की, अशा प्रकारचा कंटेट पाहणं एखाद्याची वैयक्तिक पसंत असू शकते, ज्यामध्ये न्यायालय हस्तक्षेप करु शकत नाही.
लाइव्ह लॉच्या अहवालानुसार, निकालात स्पष्ट करण्यात आलंय की अश्लील व्हिडिओ इतरांना न दाखवता खाजगीरित्या पाहणं हा भारतीय दंड संहिता (IPC) च्या कलम 292 अंतर्गत अश्लीलतेचा गुन्हा ठरणार नाही. न्यायालयाने म्हटलं की, "या प्रकरणात प्रश्न असा आहे की एखादी व्यक्ती इतरांना न दाखवता त्याच्या खाजगी वेळेत पॉर्न व्हिडीओ पाहणे हा गुन्हा आहे का? कायद्याचने न्यायालय तो गुन्हा असल्याचे घोषित करू शकत नाही. कारण ही त्याची वैयक्तिक निवड आहे आणि त्यात हस्तक्षेप करणे म्हणजे त्याच्या गोपनीयतेत घुसखोरी करण्यासारखे आहे." (Latest Marathi News)
न्यायालयाने पुढे म्हटले की, " एखाद्या व्यक्तीने त्याच्या गोपनीयतेत अश्लील छायाचित्रे पाहणे हा आयपीसीच्या कलम 292 नुसार गुन्हा ठरत नाही. त्याचप्रमाणे एखाद्या व्यक्तीने मोबाईल फोनवर अश्लील व्हिडिओ पाहणे हा गुन्हा ठरत नाही. त्याच्या गोपनीयतेमध्ये देखील आयपीसीच्या कलम २९२ अंतर्गत गुन्हा आहे. आयपीसीच्या कलम २९२ अन्वये हा गुन्हा नाही. जर आरोपीने कोणतेही अश्लील व्हिडीओ किंवा छायाचित्र सार्वजनिकपणे प्रसारित केले किंवा वितरित केले किंवा दाखविण्याचा प्रयत्न केला, तेव्हा हा आयपीसीच्या कलम २९२ अन्वये गुन्हा ठरतो."
न्यायमूर्ती कुन्हीकृष्णन यांनी पालकांना अल्पवयीन मुलांना मोबाईल फोन देण्याच्या धोक्याबद्दल सावधगिरी बाळगण्याचा इशारा दिला. इंटरनेट सुविधा असलेल्या मोबाईल फोनवर पॉर्न व्हिडिओ सहज उपलब्ध असून मुलांनी ते पाहिल्यास त्याचे वाईट परिणाम होऊ शकतात, असा इशारा न्यायालयाने दिला. अशा प्रकारे न्यायालयाने पालकांना मुलांना माहितीपूर्ण बातम्या आणि व्हिडीओ दाखविण्याचे आवाहन केले आणि त्यांना मोबाईल फोनवर वेळ घालवण्यापेक्षा मैदानी खेळ खेळण्याचा सल्ला दिला. (Latest Marathi News)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
