पुद्दुचेरीच्या उपराज्यपाल पदावरून किरण बेदी यांना हटवण्यात आलं आहे. त्यांच्या जागी आता तेलंगनाच्या राज्यपाल तमिलसाई सुंदरराजन यांच्याकडे अतिरिक्त जबाबदारी सोपवण्यात आली आहे.
नवी दिल्ली - पुद्दुचेरीच्या उपराज्यपाल पदावरून किरण बेदी यांना हटवण्यात आलं आहे. त्यांच्या जागी आता तेलंगनाच्या राज्यपाल तमिलसाई सुंदरराजन यांच्याकडे अतिरिक्त जबाबदारी सोपवण्यात आली आहे. किरण बेदी यांची 29 मे 2016 रोजी उपराज्यपालपदी नियुक्ती करण्यात आली होती.
बराच काळ पुद्दुचेरीचे काँग्रेस सरकार आणि किरण बेदी यांच्यात वाद सुरु होते. मुख्यमंत्री वी नारायणस्वामी यांनी 10 फेब्रुवारीला राष्ट्रपती रामनाथ कोविंद यांना पत्र लिहून विनंती केली होती की किरण बेदी यांना हटवण्यात यावं. त्यांच्याकडून मनमानी कारभार केला जात असल्याचा दावा त्यांनी केला होता.
Dr. Kiran Bedi removed as the Lieutenant Governor of Puducherry
Dr. Tamilisai Soundararajan, Governor of Telangana, given additional charge as Lieutenant Governor of Puducherry pic.twitter.com/pSOoIgcCJK
— ANI (@ANI) February 16, 2021
काही दिवसांपूर्वीच नायब राज्यपाल किरण बेदी यांच्याविरोधात मुख्यमंत्री नारायण सामी यांनी आंदोलन केले होते. पुद्दुचेरीचे नायब राज्यपालपद स्वीकारल्यापासून किरण बेदी आणि राज्य सरकारमध्ये सातत्याने खटके उडताना दिसतात.
राज्यात येत्या एप्रिल-मे महिन्यात विधानसभा निवडणूक होणार आहे. सर्वच पक्षांनी यासाठी तयारी सुरु केली आहे. दरम्यान, काँग्रेसचे आमदार ए जॉन कुमार यांनी मंगळवारी आणि आरोग्य मंत्री एम कृष्ण राव यांनी सोमवारी राजीनामा दिला. त्यांनी राज्यपाल किरण बेदी यांच्याविरोधात आंदोलन केलं होतं.
