गुडघेदुखीला कंटाळून महिलेची आत्महत्या

अहमदाबाद : गुडघेदुखील कंटाळून एका ३८ वर्षीय महिलेने चक्क इमारतीच्या गच्चीवरुन उडी मारुन आत्महत्या केल्याची घटना अहमदाबाद शहरात घडली आहे. सोमवारी (ता.३०) ही दुर्देवी घटना घडली. हेमा भानुशाली असे मृत महिलेचे नाव आहे. मेमनगर भागातील शामसुंदर अॅव्हेन्यु अपार्ट्मेंन्टमधील फ्लॅट नंबर ४०१ मध्ये ही महिला राहत होती.

ताज्या बातम्यांसाठी डाऊनलोड करा ई-सकाळचे ऍप

हेमा भानुशाली या मागच्या चार महिन्यांपासून गुडघेदुखीने त्रस्त होत्या. याच कारणामुळे त्यांनी आत्महत्येचे टोकाचे पाऊल उचलल्याचा अंदाज लावण्यात आला आहे. कुटुंबामध्ये हेमा भानुशाली यांच्यावर गुडघा प्रत्यारोपणाची शस्त्रक्रिया करण्याचा विचार सुरु होता. शारीरिक दुखण्यामध्ये त्या निराश झाल्या होत्या. या नैराश्यातूनच त्यांनी हे टोकाचे पाऊल उचलले असल्याचा प्राथमिक अंदाज वर्तविण्यात येत आहे.

अबब ! ३१ डिसेंबरला पुणेकरांनी फस्त केले एवढे टन चिकन आणि मासळी

हेमा भानुशाली यांच्या पतीचा ट्रक ट्रान्सपोर्ट्चा व्यवसाय आहे. हेमा भानुशाली यांनी आत्महत्या केली तेव्हा त्यांचा मुलगा घरी होता. सोमवारी सकाळी ८.४५ च्या सुमारास हेमा भानुशाली यांनी इमारतीच्या गच्चीवरुन उडी मारली. त्यांचा जागीच मृत्यू झाल्याची माहिती पोलिसांनी दिली आहे.