अथणी : कोल्हापूरहून देवदर्शन घेऊन जात असलेल्या भाविकांची मोटार व कर्नाटक परिवहनच्या बसमध्ये (Karnataka Transport Bus) झालेल्या अपघातात चौघे ठार, तर एक जण जखमी झाला. हा अपघात अथणीजवळ विजापूर राज्य मार्गावर रविवारी (ता. ६) दुपारी बारा वाजण्याच्या सुमारास झाला. दरम्यान पुणे-बंगळूर राष्ट्रीय महामार्गावरील हिरेबागेवाडी येथे बडकोळ्ळमठाजवळ रविवारी पाच वाहने एकमेकांवर आदळून झालेल्या भीषण साखळी अपघात (Athani Accident) दोघे ठार व सहा जण जखमी झाले.