केंद्रीय तपास यंत्रणेने सोमवारी आरजी कार रुग्णालयाचे माजी प्राचार्य संदीप घोष यांना अटक केली आहे. आरजी कार रुग्णालयातील आर्थिक अनियमिततेबाबत सीबीआयने ही कारवाई केली आहे. याप्रकरणी सीबीआयने नुकतीच एफआयआरही नोंदवली होती. कोलकाताचे आरजी कार मेडिकल कॉलेज सध्या वादात सापडले आहे. येथे 9 ऑगस्ट रोजी रात्रीच्या ड्युटीदरम्यान एका कनिष्ठ डॉक्टरवर बलात्कार झाला होता. यानंतर तिची निर्घृण हत्या करण्यात आली. या प्रकरणाचाही तपास सीबीआय करत आहे.