मोठा दिलासा! 102 दिवसानंतर कोरोना रुग्णसंख्या 40 हजारांखाली

coronavirus in india, covid-19, latest updates : कोरोना महामारीवर नियमंत्रण मिळवण्यासाठी देशात वेगानं लसीकरण सुरु आहे. लसीकरणामध्ये सोमवारी भारताने अमेरिकेलाही मागे टाकलं आहे. अशातच आणखी एक दिलासादायक बातमी आली आहे. भारतामधील कोरोना रुग्णांची संक्या 40 हजारांच्या खाली आली आहे. तब्बल 102 दिवसानंतर देशातील दररोज वाढणारी कोरोना रुग्णसंख्या 40 हजारांच्या खाली आली आहे. देशाचा रिकव्हरी रेटही वाढला आहे.

आरोग्य मंत्रालयाने दिलेल्या माहितीनुसार, सोमवारी देशात 37 हजार 566 नवीन कोरोना रुग्ण आढळले आहेत. 102 दिवसानंतर देशातील दररोजची रुग्णसंख्या 40 हजारांच्या खाली आली आहे. देशाचा रिकव्हरी रेटही 96.87 टक्के झाला आहे. सोमवारी 56 हजार 994 जणांनी कोरोनावर मात केली आहे. 70 दिवसांपासून कोरोनाबाधित रुग्णांपेक्षा कोरोनामुक्त रुग्णांचं प्रमाण जास्त आहे. त्यामुळेच उपचाराधीन रुग्णांमध्ये मोठी घट पाहायला मिळत आहे. कोरोनाबाधित रग्णांप्रमाणे मृताची संख्याही दिवसागणिक कमी होत आहे. आरोग्य मंत्रालायने दिलेल्या माहितीनुसार, सोमवारी देशात 907 जणांचा मृत्यू झाला आहे.

देशातील कोरोना स्थिती -

एकूण रुग्ण - Total cases: 3,03,16,897

एकूण कोरोनामुक्त Total recoveries: 2,93,66,601

उपचाराधीन रुग्ण Active cases: 5,52,659

एकूण मृत्यू Death toll: 3,97,637

एकूण लसीकरण - 32.90 कोटी

आतापर्यंत देशात 40 कोटी 81लाख 39 हजार 287 कोरोना चाचण्या घेण्यात आल्या आहेत. सोमवारी देशाभरातून 17 लाख 68 हजाक 008 कोरोना चाचण्या घेतल्याचं आयसीएमआरने सांगितलं.