Love Jihad : आमच्याशी लग्न करून मुस्लिम व्हा, नाहीतर तोंड दाखवायला जागा ठेवणार नाही; हिंदू मुलींना धमकी

Love Jihad In Indore : इंदूर जिल्ह्यात 'लव्ह जिहाद'चं एक धक्कादायक प्रकरण समोर आलंय. महू पोलिसांनी दोन मुस्लिम तरुणांविरुद्ध अश्लील कृत्य आणि पॉक्सो कायद्यांतर्गत गुन्हा दाखल केलाय.

आरोपींनी हिंदू मुलींना धमकावत आमच्याशी लग्न करून मुस्लीम व्हा, अन्यथा समाजात तोंड दाखवू शकणार नाही, अशी धमकी दिली. ही घटना महू पोलीस ठाण्याच्या (Mahu Police Station) हद्दीतील आहे.

पोलिसांनी दिलेल्या माहितीनुसार, दोन्ही पीडित मुली 16 वर्षांच्या आहेत. ही घटना महू इथं घडलीये. वाहिद आणि अमन अशी आरोपींची नावं आहेत. आरोपी आपल्यासोबत अश्लील कृत्य करत असल्याचं मुलींनी पोलिसांना सांगितलं. आम्हाला त्यांच्याशी लग्न करण्यास सांगत आहेत. लग्नास नकार दिल्यावर आरोपींनी हिंदू समाजात तुमची किंमत नसल्याचं सांगितलं.

आमच्याशी लग्न करा आणि धर्मांतर करून मुस्लिम व्हा, असंही आरोपी म्हणाल्याचं पीडित मुलींनी सांगितलं. वाहिदनं एका मुलीला घट्ट पकडून ठेवलं होतं. आणि तिला धमकावून सांगितलं की, तू ऐकली नाहीस तर समाजात तोंड दाखवू शकणार नाहीस, अशी धमकी दिली. टीआय महेंद्रसिंग भदोरिया यांनी दिलेल्या माहितीनुसार, दोन्ही आरोपींचा शोध सुरू आहे.