भोपाळ: सोशल मीडियासाठी (Social media) साहसी फोटो, व्हिडीओ बनवण्याची सध्याच्या युवकांमध्ये (Youth) एक क्रेझ दिसून येते. एका फोटो किंवा व्हिडीओसाठी आपण आपला जीव धोक्यात घालतोय, याची त्यांना कल्पना असते, पण तरीही हे तरुण अशा प्रकारचं वेड साहस करण्यासाठी धजावतात. आपल्या जीवाचं काही बरं-वाईट झालं, तर आई-वडिलांचं, कुटुंबीयांच काय होईल, याचा विचार ही मुलं करत नाहीत.
मध्य प्रदेशच्या होशांगाबाद जिल्ह्यात सोमवारी अशाच एका घटनेत २२ वर्षाच्या मुलाचा दुर्देवी मृत्यू झाला. रेल्वे रुळावर व्हिडीओसाठी पोझ देत असताना ट्रेनची धडक लागून संजू चौरे या तरुणाचा मृत्यू झाला. इटारसी-नागपूर रेल्वे मार्गावर रविवारी ही घटना घडली. संजू पंजारा काला गावच रहिवाशी आहे.
"सोशल मीडियावर अपलोड करण्यासाठी संजू अन्य मुलांसोबत तिथे व्हिडीओ शूट करत होता. त्यावेळी संध्याकाळी ५.३० च्या सुमारास त्याला ट्रेनने धडक दिली. त्याला तात्काळ जवळच्या रुग्णालयात नेण्यात आले. तिथे डॉक्टरांनी त्याला मृत घोषित केले" अशी माहिती पोलीस अधिकारी नागेश वर्मा यांनी दिली.
मित्राने शूट केलेल्या व्हिडीओमध्ये संजू चौरे रेल्वे रुळाच्या जवळ दिसत आहे. मालगाडी त्याच्या दिशेने येत होती. त्याने बाजूला व्हावे, यासाठी मोटरमन हॉर्न वाजवत होता. पण त्या दरम्यान संजूला ट्रेनची धडक बसली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
