दिवसभरातील महत्त्वाच्या घडामोडी वाचा एका क्लिकवर

उपमुख्यमंत्री देवेंद्र फडणवीस हे आज पुण्यात होते. कोथरूड या ठिकाणी झालेल्या कार्यक्रमानंतर फडणवीस थेट केसरी वाड्यावर पोहचले. त्यांनी टिळक कुटुंबियांची भेट घेवून चर्चा केली.

बोललेले शब्द मागे घ्यायला मी काही चंद्रकांत पाटील नाही, अशा शब्दांत शिवसेनेच्या उपनेत्या सुषमा अंधारे यांनी भाजपवर शरसंधान साधलं आहे. पुण्यात एका कार्यक्रमात बोलताना त्यांनी भाजपवर चौफेर टीका केली.

हिंडेनबर्ग रिसर्चच्या अहवालानंतर अदानी ग्रुपच्या शेअर्समध्ये मोठी पडझड झाली. तसेच अनेक बँकांवर प्रश्नचिन्ह उपस्थित झालं होतं. यापार्श्वभूमीवर सध्या रिझर्व्ह बँक ऑफ इंडियानं भारतातील बँकांची स्थिती नेमकी कशी आहे? याबाबत पहिल्यांदाच स्पष्टीकरण दिलं आहे. आरबीआयनं म्हटलं की, काही बातम्यांमधून देशातील बँकिंग सेक्टरबाबत चिंता व्यक्त करण्यात आली आहे. पण आरबीआय या सर्व बँकांवर नियंत्रण आणि आर्थिक स्थिरतेसाठी त्यांच्या व्यवहारांवर लक्ष ठेवण्याचं काम करत आहे.

वर्धा इथं आयोजित अखिल भारतीय मराठी साहित्य संमेलनाचा आज पहिला दिवस होता. मात्र हा पहिलाच दिवस विदर्भवाद्यांनी घातलेल्या गोंधळामुळे चर्चेत आला आहे. मुख्यमंत्र्यांच्या भाषणावेळी हा गोंधळ झाला. यावेळी विदर्भवादी महिलांनी मोठा गोंधळ घातला.

अमरावती विभाग पदवीधर मतदारसंघ निवडणूक : उमेदवार डॉ. प्रवीण चौधरी बाद झाले आहेत. धीरज लिंगाडे - ४४ हजार ८७७, डॉ. रणजीत पाटील - ४२ हजार ३१७ यांना मत मिळाली आहेत. अजूनही कोटा (४७ हजार १०१ मते ) पूर्ण नसल्यामुळं सद्य:स्थितीत उर्वरित उमेदवारांत सर्वात कमी मते असलेल्या उमेदवाराची (अनिल अमलकर, ४ हजार ३३८ मते ) दुसऱ्या पसंतीची मत गणना सुरू आहे.

एकनाथ शिंदे म्हणाले, हे सर्व सामान्यांचे सरकार आहे. आपण त्यांचे म्हणणे ऐकून घेऊ. हे साहित्य संमेलन आहे. आपले विषय मांडायला वेगळे व्यासपीठ आहे. या मान्यवरांचे स्वागत आपण केले पाहिजे. सरकारची दारे २४ तास उघडे आहे. कुणाचाही अनादर करण्याचा आमचा हेतू नाही. आज हे साहित्यिकांचे राज्य आहे, कृपया तुम्ही गोंधळ घालू नये.

दिवंगत लक्ष्मण जगताप यांच्या घरात फूट पडली की काय अशी चर्चा चिंचवडमध्ये रंगू लागली आहे. कारण भाजपने कोणताही उमेदवार जाहीर केला नाही मात्र. दिवंगत लक्ष्मण जगताप यांच्या पत्नी आणि भावाचा सोशल मीडियावर जोरदार प्रचार चालू झाला आहे. त्यामुळे आता भाजप केणाला उमेदवारी देणार हे पाहणं महत्त्वाचं ठरणार आहे.

कसबा विधानसभा पोटनिवडणूकी संदर्भात पुण्यात आज महत्त्वाची बैठक चालू आहे. ही बैठक भाजप आणि शिंदे गट यांच्यात बैठक सुरू आहे. या बैठकीला पालकमंत्री चंद्रकांत पाटील, भाजप प्रदेश सरचिटणीस मुरलीधर मोहोळ, शहर अध्यक्ष योगेश मुळीक, गणेश बिडकर, धीरज घाटे, शैलेश टिळक यांच्यासह शिंदे गटाचे शहर प्रमुख नाना भानगिरे उपस्थितीत आहेत.

सत्यजीत तांबे यांच्या उमेदवारी वरून अजित पवारांनी केला गौप्यस्फोट केला आहे. सत्यजीतला उमेदवारी दया असं स्वत: पवार साहेबांनी मल्लिकार्जून खर्गेंना फोन करून सांगितलं होतं. पण त्यांनी त्यांच्या वडिलांना उमेदवारी दिली आणि तिथंच गडबड झाली. असो आताही काँग्रेसनं फार ताणून धरू नये, आणि सत्यजीतला पुन्हा सोबत घ्यावं असं मला वाटतं पण अंतिम निर्णय हा सत्यजीतनेच घ्यायचा आहे.

बावनकुळेंच्या दौऱ्यात कसबा आणि चिंचवडचा उमेदवार ठरण्याची दाट शक्यता आहे.

दुपारी एक वाजता बावनकुळे पुण्यात येणार.

तसेच दुपारी तीन वाजता भाजप महिला मोर्चा कार्यकारणीच्या बैठकीला लावणार उपस्थिती राहणार आहेत.

मुंबईला पुन्हा दहशदवादी हल्ल्याची धमकी देण्यात आली आहे. राष्ट्रीय तपास यंत्रणेला धमकीचा ई-मेल आला आहे. एनआयएकडून मुंबई पोलिसांना सतर्कतेचा इशारा देण्यात आला आहे.

अमरावती पदवीधरचा निकालचा आज दुसरा दिवस उजाडला असला तरी देखील निकाल लागला नाही. त्यामुळे उमेदवाराचं टेन्शन वाढलं असून कार्यकर्त्यांची धाकधूक वाढली आहे. अमरावती पदवीधर मतदारसंघात महाविकास आघाडीचे धीरज लिंगाडे आणि भाजपचे रणजित पाटील यांच्यात प्रमुख लढत आहे.

मी या जगात कोणालाही घाबरत नाही. त्यामुळे वाद घालण्यात अर्थच नाही. असं पंकजा मुंडे यांनी अंबाजोगाई येथील खोलेश्वर महाविद्यालयात वार्षिक स्नेह संमेलनात हे विधान केलं आहे.

बाबा रामदेव यांनी पुन्हा एकदा एक वादग्रस्त वक्तव्य केलं आहे. ते राजस्थानच्या बाडमेरमध्ये म्हणाले की, मुस्लिम दहशतवादी असला तरी तो नमाज अदा करतो. तुम्ही हिंदूंच्या मुली उचला, किंवा जिहादच्या नावाखाली दहशतवादी व्हा, असे वादग्रस्त वक्तव्य केलं आहे.