Latest Marathi News Live Update : पुढील दोन दिवस उन्हाचा कडका, विदर्भासह महाराष्ट्रातील काही जिल्ह्यांत तापमान 40 पार जाण्याची शक्यता!

कोल्हापूर शहरासह जिल्ह्यात कमर्शियल गॅसचा तुटवडा मोठ्या प्रमाणात सुरू झाला आहे. हॉटेल व्यवसायिकांसह अनेक उद्योग अडचणीत आले आहेत. कोल्हापुरातील श्री महालक्ष्मी अन्नछत्र सेवा ट्रस्टला देखील गॅस पुरवठ्याची अडचण जाणवायला सुरुवात झालेली आहे. केवळ दोनच दिवस पुरेल इतका गॅस साठा उपलब्ध आहे. श्री महालक्ष्मी अन्नछत्रात राज्यभरातील चार ते पाच हजार भाविक घेतात अन्नाचा लाभ घेत आहे. गॅस पुरवठा संपल्यानंतर हे अन्नछत्र कसं चालवायचं असा प्रश्न आता निर्माण झालेला आहे..नाशिकमध्ये आजच्या तारखेपर्यंत गॅसचा कोणताही तुटवडा जाणवत नसून पुरवठा सुरळीत असल्याची माहिती नाशिकचे जिल्हाधिकारी आयुष प्रसाद यांनी दिली आहे. यासोबतच गॅसचा काळाबाजार रोखण्यासाठी जिल्हास्तरीय पथक नेमण्यात आले आहेत. घरगुती गॅसचा व्यावसायिक हेतूने वापर केला जात असेल तर तक्रारीसाठी नागरिकांनी पुढे यावे आम्ही कारवाई करू असंही आश्वासन त्यांनी दिले आहे..- नागपूर जिल्ह्याच्या कुही तालुक्यात वाघाचा शेतकऱ्यावर हल्ला, शेतकरी जखमी, दैव बलवत्तर जीव वाचला...- टाकळी गावातील शेतकरी राधेशाम खांडेकर जखमी- शेतात कापूस वेचत असताना वाघाने मागून झडप घातली- उजव्या कानाजवळ व दोन्ही खांद्यावर गंभीर जखमा- आरडाओरड ऐकून शेजारील शेतकरी मदतीला धावले- नागरिकांचा आवाज वाढल्याने वाघाने जंगलाकडे पळ काढला.पुढील दोन दिवस उन्हाचा कडका वाढणार असून विदर्भासह महाराष्ट्रातील काही जिल्ह्यांत तापमान 40 पार जाण्याची शक्यता आहे. तर, 13 ते 15 मार्च दरम्यान मराठवाडा, मध्य महाराष्ट्र आणि विदर्भात अवकाळी पावसाची शक्यताही वर्तवली आहे. विदर्भासाठी पावसाचा येलो अलर्ट जारी केला असून हवामान विभागाने इशारा दिला आहे..भुसावळ : येथे व्यावसायिक सिलिंडर उपलब्ध झाले नाही, तर येत्या तीन ते चार दिवसांत शहरातील बहुतेक भोजनालये बंद करण्याची वेळ येऊ शकते. दरम्यान, गॅस काटकसरीने वापरण्याच्या कर्मचाऱ्यांना सूचना देताना पर्यायी इंधनाचा मार्ग शोधण्याचे काम भोजनालय मालकांनी सुरू केले आहे. .मुंबई : ‘महिला शेतकऱ्यांना त्यांचे हक्क आणि सन्मान मिळवून देण्यासाठी त्यांच्या सक्षमीकरणासाठी आगामी अधिवेशनात विशेष विधेयक सादर करण्यात येईल,’ अशी घोषणा उपमुख्यमंत्री सुनेत्रा पवार यांनी केली. तसेच केंद्र सरकारच्या धर्तीवर राज्यस्तरीय ‘जेंडर रिसोर्स सेंटर’ स्थापन केल्यामुळे महिलांचे कृषी प्रश्न सोडविण्यास मदत होईल, असा विश्वासही त्यांनी व्यक्त केला. .आरग : मिरज तालुक्यातील बेडग येथे शनिवारी (ता. १४) सकल हिंदू समाजाच्या वतीने हिंदू संमेलनाचे आयोजन करण्यात आले आहे. हिंदू समाजात एकात्मता निर्माण करणे, संस्कृतीचे संवर्धन करणे आणि समाजातील बांधिलकी अधिक दृढ करणे, या उद्देशाने संमेलनाचे आयोजन केल्याची माहिती आयोजकांनी दिली..तेहरान/वॉशिंग्टन: होर्मुझच्या सामुद्रधुनीत सुरूंग पेरणारी इराणची १६ जहाजे उद्ध्वस्त केल्याचा दावा अमेरिकी लष्कराने केला आहे. या कारवाईनंतर इराणने आक्रमक पवित्रा घेत शत्रू राष्ट्रांना या भागातून एक लिटरही तेल नेऊ देणार नाही, असा इशारा दिला आहे. यामुळे तणावात मोठी भर पडली असून जागतिक तेलपुरवठ्यावर मोठे संकट ओढवण्याची शक्यता निर्माण झाली आहे. तसेच, कच्च्या तेलाच्या किमतीत वाढ होण्याचेही सूतोवाच केले जात आहेत. .जम्मू काश्मीरचे माजी मुख्यमंत्री डॉ. फारुख अब्दुल्ला यांच्यावर बुधवारी रात्री उशीरा हल्ल्याचा प्रयत्न झाला. एका लग्नसमारंभात ते गेले होते. त्यावेळी फारुख अब्दुल्ला यांच्यासोबत उपमुख्यमंत्री सुरिंदर चौधरी हेसुद्धा होते. हल्लेखोराने फारूख अब्दुलांवर गोळीबाराचा प्रयत्न केला. यातून फारूख अब्दुल्ला थोडक्यात वाचले असून पोलिसांनी हल्लेखोराला ताब्यात घेतलं आहे..नाशिक : विविध क्षेत्रांतील हिंदू कारागीर आणि स्वयंरोजगारीतून उज्ज्वल भवितव्य घडवू इच्छिणाऱ्या लघु व्यावसायिकांना प्रोत्साहित करण्यासाठी शनिवारी (ता. १४) नाशिकमध्ये मेळावा होत आहे. सायंकाळी सहाला गंगापूर रस्त्यावरील वृंदावन लॉन्स येथे होणाऱ्या मेळाव्यास मंत्री नीतेश राणे मार्गदर्शन करतील. नोकरीची वाट न पाहता स्वयंप्रेरणेने रोजगार व लहान-मोठ्या व्यावसायिकांना मानसिक बळ देण्यासाठी हिंदूहित रक्षा ही चळवळ कार्यरत आहे. मेळाव्याच्या मध्यवर्ती संकल्पनेबाबत हिंदूहित रक्षाचे संयोजक प्रवीण जोशी यांनी माहिती दिली..Gas Cylinder Shortage : देशभरात गॅस सिलिंडर टंचाईमुळे लोकांची धावाधाव सुरूच.Latest Marathi Live Updates 12 March 2026 : देशभरात निर्माण झालेल्या गॅस सिलिंडर टंचाईमुळे लोकांची धावाधाव सुरूच असून, आजही वितरण केंद्रांच्याबाहेर भर उन्हामध्ये रांगा लागल्याचे चित्र पाहायला मिळाले. हॉटेल आणि रेस्टॉरंटचालकांनाही याचा मोठा फटका बसला आहे. या टंचाईच्या पार्श्वभूमीवर केंद्र सरकारही कामाला लागले आहे. देशाची इंधन गरज पूर्ण करण्यासाठी प्रशासन काम करत असून, लोकांनी घाबरण्याचे कारण नसल्याचे सरकारी अधिकाऱ्यांकडून सांगण्यात आले. आता बुकिंगनंतर अडीच दिवसांत गॅस सिलिंडर घरी पोहोचेल, अशी ग्वाही पेट्रोलियम मंत्रालयाने दिली. याशिवाय देश-राज्यातील इतर महत्त्वाच्या घडामोडी, वाहतूक कोंडी, राजकीय हालचाली, क्रीडा, मनोरंजन आणि मान्सूनविषयक अपडेट्स यांची सविस्तर माहिती एका क्लिकवर उपलब्ध आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Kolhapur News : कोल्हापुरात व्यावसायिक गॅसचा तुटवडा, अनेक उद्योग अडचणीत