Latest Marathi News Updates: देश-विदेशासह राज्यात दिवसभरात काय घडलं? वाचा एका क्लिकवर

राज ठाकरेंपेक्षा भाजप मराठीसाठी आग्रही आहे. शिवाय, इतर राज्यात राहणाऱ्या मराठी माणसांची जबाबदारी आपली आहे. असं म्हणत भाजप नेते प्रवीण दरेकर यांनी राज ठाकरेंना टोला लगावला आहे..मीरा रोड येथील सभेत बोलताना मनसे अध्यक्ष राज ठाकरे यांनी व्यापाऱ्यांच्या बंदवर मोठं विधान केलं. राजकीय पक्षांच्या दबावामुळे व्यापाऱ्यांनी बंद केला होता असं ते म्हणाले आहेत..पुणेः सराफी व्यावसायिकाशी असलेल्या ओळखीतून उधारीवर घेतलेल्या सोन्याच्या दागिन्यांचे सव्वा आठ लाख रुपये न देता व्यावसायिकाची एका पोलिस हवालदाराने फसवणूक केल्याचा प्रकार उघडकीस आला आहे. याप्रकरणी पोलिस हवालदाराविरुद्ध चतुःशृंगी पोलिस ठाण्यात फसवणुकीचा गुन्हा दाखल करण्यात आला आहे..मीरा भाईंदरमध्ये बोलताना राज ठाकरे म्हणाले की, कानावर मराठी समजत नसेल तर कानाखाली मराठीत सांगावं लागेल. मीरा भाईंदरमध्ये घडलेला प्रसंग छोटा होता. हिंदी सक्तीचा मोर्चा सुरु होता त्यात व्यापाऱ्याने विरोध केला. त्यावर इथल्या व्यापाऱ्यांनी बंद करायची गरज नव्हती. तुम्हाला काय वाटतं, मराठी व्यापारी नाहीत. आम्ही काही घेतलं तर तुमचं दुकान चालेल ना? महाराष्ट्रामध्ये राहताय तर मराठी शिका, शांतपणे राहा. पण इथे मस्ती करणार असाल तर महाराष्ट्राचा दणका बसणार म्हणजे बसणार. .पुणेः सराफी व्यावसायिकाशी असलेल्या ओळखीतून उधारीवर घेतलेल्या सोन्याच्या दागिन्यांचे सव्वा आठ लाख रुपये न देता व्यावसायिकाची एका पोलिस हवालदाराने फसवणूक केल्याचा प्रकार उघडकीस आला आहे. याप्रकरणी पोलिस हवालदाराविरुद्ध चतुःशृंगी पोलिस ठाण्यात फसवणुकीचा गुन्हा दाखल करण्यात आला आहे..संभाजी ब्रिगेडचे अध्यक्ष प्रवीणदादा गायकवाड यांच्यावर अक्कलकोट येथे झालेल्या भ्याड हल्ल्याचा जाहीर निषेध करण्यासाठी पाचोरा येथे पुरोगामी संघटनेच्या वतीने एक दिवशी आंदोलन करण्यात आले..आषाढ महिन्यात साजरा करण्यात येणारा मरीआईचा भंडारा ग्रामीण भागात देवीचा वार असलेल्या मंगळवार किंवा शुक्रवारी साजरा करण्यात येतो. पुरातण काळापासुन गावाच्या वेशीवर ग्रामदैवत म्हणून स्थापन झालेल्या मरीआईचा भंडारा ईडापिडा टाळण्यासाठी मरीआई ला प्रसन्न करण्यासाठी गावोगावी साजरा करण्याचे विशेष महत्व आहे..छत्रपती संभाजी नगर ते जळगाव राष्ट्रीय महामार्गावरील आळंद परिसरामध्ये एका ट्रकने दुचाकीला सुमारे शंभर फूट फरपटत नेऊन एकाच कुटुंबातील तिघांना चिरडल्याची घटना शुक्रवारी (ता.१८) चार वाजेच्या सुमारास घडली आहे. .जळगावच्या राष्ट्रीय महामार्ग क्रमांक ७५३ जे वर भडगाव जवळील घुसर्डी गावा नजीक भरधाव स्विफ्ट डिझायर गाडी ने शेतकऱ्याच्या बैलगाडीला जोरदार धडक दिली. यामध्ये बैलजोडी सह शेतकरी गंभीर जखमी झाला आहे. स्थानिक नागरिकांच्या मदतीने सदर जखमी शेतकऱ्यास भडगाव येथे रुग्णालयात दाखल करण्यात आले आहे..लाखो लिटर पाणी गेले वाया विलेपार्ले पश्चिमेकडील नानावटी रुग्णालयाच्या प्रवेशद्वारासमोरच पिण्याच्या पाण्याची लाईन फुटल्याने रस्त्यावर मोठ्या प्रमाणात पसरले पाणी विलेपार्ले परिसरात नागरिकांना पिण्याचे पाण्याचा अपुरा पुरवठा होणार.गुंडांना पक्षात घेऊन पदं देण्यात आली, ठाकरेंची टीका सत्तेच्या लालसेपोटी राजकारण्यांनी गुंडांना पक्षात घेतलंलोकशाहीचा खून करणारे विधीमंडळात वावरत आहेत.परळीतील व्यापारी महादेव मुंडे खून प्रकरणात न्याय मिळावा यासाठी विष प्राशन करून आत्महत्येचा प्रयत्न करणाऱ्या ज्ञानेश्वरी मुंडेंना ७२ तासांनंतर उपचारानंतर डिस्चार्ज देण्यात आला.बुधवारी त्यांनी बीड पोलिस अधीक्षक कार्यालयासमोर विष घेतलं, मात्र पोलिसांनी वेळीच हस्तक्षेप करत त्यांना रुग्णालयात दाखल केलं आणि त्यांचा जीव वाचवला.उपचारानंतर प्रकृती सुधारल्याने त्यांना घरी सोडण्यात आलं आहे. रुग्णालयातून बाहेर आल्यानंतर ज्ञानेश्वरी मुंडेंनी सरकारला पुन्हा इशारा दिला आहे की,"जर महिनाभरात आरोपींना अटक झाली नाही, तर मी आत्मदहन करेन.".भंडारा शहरात आज दुपारी अचानक काळे ढग दाटून आले आणि त्यानंतर जोरदार पावसाला सुरुवात झाली. जवळपास तासभर मुसळधार पाऊस कोसळल्यामुळे शहरातील जनजीवन पूर्णतः विस्कळीत झालं.मागील काही दिवसांपासून ग्रामीण भागात हलक्या ते मध्यम स्वरूपाच्या पावसाचा अनुभव येत असतानाच, आजचा मुसळधार पाऊस शहरवासीयांसाठी अचानक आला.या पावसामुळे दुचाकीस्वारांचे हाल झाले आणि वाहतूक काही काळ ठप्प झाली. शहरातील काही सखल भागांमध्ये पाणी साचले, तसेच नाल्यांचे पाणी रस्त्यावरून वाहू लागले.या पावसामुळे उकाड्यापासून काहीसा दिलासा मिळाला असून, शेतकऱ्यांच्या चेहऱ्यावर समाधान दिसून येत आहे..राज्य सरकारच्या महत्त्वाकांक्षी शक्तिपीठ महामार्ग प्रकल्पाला हिंगोली जिल्ह्यात सलग आठव्या दिवशीही तीव्र विरोधाचा सामना करावा लागत आहे. वसमत तालुक्यातील हयातनगर, जोडजवळा, रुंज, गुंज, बाभुळगाव, माळवटा आणि परिसरातील अन्य गावांतील शेकडो नागरिकांनी महामार्गाच्या मोजणीसाठी आलेल्या अधिकाऱ्यांना थेट मोजणी करण्यापासून रोखले. या दरम्यान महसूल प्रशासनाविरोधात महिला शेतकऱ्यांचा रोष प्रचंड वाढला होता..'या पुढे मी कुठल्याही माध्यमांशी संवाद साधणार नाही'.बुलढाण्याचे आ. संजय गायकवाड यांनी जाहीर केला निर्णय.आज माध्यम प्रतिनिधी त्यांच्या जनसंपर्क कार्यलयात गेल्यावर त्यांनी यापुढे माध्यमांशी बोलण्यास नकार दिला आहे..सातारा शहराला पाणी पुरवठा करणारा कास तलाव पूर्ण क्षमतेने भरला आहे.खा.उदयनराजे भोसले यांच्या उपस्थितीत सातारा विकास आघाडीच्या माजी नगरसेवक आणि महिला पदाधिकारी यांच्या हस्ते आज कास तलावाचे ओटी भरण करण्यात आले.या कास तलावाची उंची सातारा नगरपालिकेच्या वतीने वाढविण्यात आली आहे.जून महिन्यातच कास तलाव पूर्ण क्षमतेने भरला त्यामुळे सातारा शहराचा पाणी प्रश्न मिटला आहे. .सहकार नगर परिसरातील एका गुंडाने पोलीस स्टेशनमध्ये घातला राडा… पोलीस स्टेशनमध्ये गुंडाकडून तोडफोड… राजू उर्फ बारक्या लोंढे असं तोडफोड करणाऱ्या आरोपीचे नाव… पोलीस ठाण्यात तोडफोड करत खिडक्यांच्या फोडल्या काचा… कोंबिंग ऑपरेशन मध्ये सहकारनगर पोलिसांनी ताब्यात घेत त्याला सहकार नगर पोलिस स्टेशन मध्ये आणण्यात आलं होतं… याचवेळी सराईत गुन्हेगाराने पोलीस स्टेशनमध्ये राडा घातला असल्याची माहिती.शेतकरी कृती संघर्ष समितीच्या वतीने बदनापूर शहरात करण्यात आला रास्ता रोको… वेगवेगळ्या प्रकारचे फलक हातात घेऊन सरकारच्या विरोधात जोरदार घोषणाबाजी… पोलिसांचा मोठा बंदोबस्त तैनात… महायुती सरकारने सत्तेमध्ये येण्यापूर्वी शेतकऱ्यांना दिलेल्या आश्वासनाची पूर्तता करण्याची पदाधीऱ्यांसह शेतकऱ्यांची मागणी.ज्ञानेश्वरी मुंडेंवर विष प्राशन केल्याने जिल्हा रुग्णालयातील अतिदक्षता विभागात उपचार सुरु आहेत. 20 महिन्यांपुर्वी झालेल्या महादेव मुंडे हत्या प्रकरणातील आरोपींना अटक करण्याची मागणी करत त्यांनी विष प्राशन केले होते. आता मराठा क्रांती मोर्चाच्या कुंदाताई काळेंनी जिल्हा रुग्णालयात जाऊन ज्ञानेश्वरी मुंडेंची भेट घेतली आहे..आमदार गोपीचंद पडळकर यांनी आज (१८ जुलै) एका सूचक इशाऱ्याने राजकीय वर्तुळात खळबळ उडवून दिली आहे. "जास्त बोलायला लावू नका. मी शांत आहे, याचा वेगळा अर्थ घेऊ नका," असे ते म्हणाले.पडळकर पुढे म्हणाले की, "कोण किती धुतल्या तांदळाचा आहे, हे मला माहिती आहे. माझ्याकडे डॉक्युमेंट (कागदपत्रे) आहेत. पण मला सूचना असल्याने मी सध्या शांत आहे." त्यांच्या या विधानामुळे राजकीय वर्तुळात अनेक तर्कवितर्क लावले जात आहेत..राष्ट्रीय जनता दलाचे (RJD) प्रमुख लालू प्रसाद यादव यांना 'नोकरीच्या बदल्यात जमीन' घोटाळा प्रकरणात सर्वोच्च न्यायालयाकडून दिलासा मिळालेला नाही. दिल्ली उच्च न्यायालयाने २९ मे रोजी या खटल्याच्या सुनावणीला स्थगिती देण्यास नकार दिला होता. या दिल्ली उच्च न्यायालयाच्या आदेशात हस्तक्षेप करण्यास सर्वोच्च न्यायालयाने नकार दिला आहे.याचा अर्थ, लालू प्रसाद यादव यांच्याविरोधातील विशेष न्यायालयातील खटल्याची कार्यवाही सुरूच राहणार आहे. त्यांना दिल्ली उच्च न्यायालयात या प्रकरणी पुढील सुनावणीसाठी हजर राहावे लागणार आहे. सर्वोच्च न्यायालयाने त्यांना वैयक्तिक हजेरीतून सवलत दिली असली तरी, खटल्याला स्थगिती देण्याची त्यांची विनंती फेटाळून लावली आहे..पुणे कृषी उत्पन्न बाजार समिती चौकशी घेऱ्यात असताना सभापती निवड. कृषी उत्पन्न बाजार समिती बरखास्त करण्याची मागणी राज्यमंत्री माधुरी मिसाळ आणि राष्ट्रवादी काँग्रेस पार्टी शरदचंद्र पवार गटाने केली आहे. कृषी उत्पन्न बाजार समितीत पणन संचालक यांनी चौकशी आदेश दिले आहेत. त्यामुळे आता नव्याने संचालक मंडळांनी नवीन सभापतींची निवड केली आहे..येत्या 24 जुलै ला बच्चू कडू राज्यभर ट्रॅक्टर घेऊन चक्काजाम आंदोलन करणार आहे. या आंदोलनाची पुढची दिशा आणि रणनीती ठरवण्यासाठी आज बच्चू कडू यांनी अमरावती जिल्ह्यातील चांदुर बाजार तालुक्यातील कुरळ पूर्ण येथे कार्यकर्त्यांसोबत आढावा बैठक घेतली. यावेळी बच्चू कडू यांनी कार्यकर्त्यांचे कान टोचत कार्यकर्त्यांना काही कानमंत्र दिले आहे. आंदोलन यशस्वी झाल्याने लोक मतं मारतीलच असं नाही आंदोलन वेगळं आहे आणि राजकारण वेगळं आहे असे म्हणत बच्चू कडू यांनी कार्यकर्त्यांना सूचना दिल्याने कार्यकर्त्यांच्या भुवया उंचावल्या आहे. बाळासाहेब ठाकरे भाषण करायचे आणि मोठमोठ्या सभा गाजवायचे तरीही त्यांचे आमदार निवडून येत नव्हते तिसरी वेळ प्रयत्न केला तेव्हा त्यांचे आमदार निवडून आले आणि वाढले. त्यामुळे मी आंदोलनात पुढे आहे म्हणून मला लोक मारतीलच आणि मी निवडून येईल असं होणार नाही. आणि असं झालं नाही तर तुमचा भ्रमनिराश होईल असेही बच्चू कडू म्हणाले आहे. .सरकारी कामात अडथळा नर्माण केल्यामुळे गुन्हा दाखल करण्यात आला आहे. . नरेंद्र मोदी बिहारमधील मोतिहारी येथे ७,२०० कोटी रुपयांपेक्षा जास्त किमतीच्या अनेक विकास प्रकल्पांची पायाभरणी आणि उद्घाटन करतील..जितेंद्र आव्हाडांच्या मुलीला पडळकरांच्या कार्यकर्त्यांकरून शिवीगाळ करण्यात आली आहे असे रोहित पवार म्हणाले.जनसुरक्षा कायद्याविरोधात महाविकास आघाडीचे नेते राज्यपालांची भेट घेणार आहे.काल विधानभवनात आमदारांच्या मारामारीनंतर गुंडांचा सहकार नगर पोलीस स्टेशनमध्येच तोडफोड झाली आहे ज्याने शहरात पोलिसच सुरक्षित आहेत का, असा सवाल उपस्थित होत आहे.नाशिक आणि रायगड जिल्ह्याला पालकमंत्री मिळवण्यासाठी तब्बल सहा महिने उलटूनही प्रतीक्षा कायम आहे. 18 जानेवारी 2025 रोजी राज्य सरकारने पालकमंत्र्यांची यादी प्रसिद्ध केली होती, मात्र या दोन महत्त्वाच्या जिल्ह्यांसाठी अजूनही कोणतीही नियुक्ती झालेली नाही. महायुतीतील अंतर्गत मतभेद आणि पदवाटपावरचा संघर्ष यामुळे ही स्थिती निर्माण झाली आहे, असे राजकीय विश्लेषकांचे मत आहे. या विलंबामुळे जिल्ह्यांतील विकासकामे खोळंबल्याचा आरोप विरोधकांनी केला असून, नागरिकांमध्येही नाराजी वाढली आहे. नेमकं कोणत्या पक्षाला हे पद मिळणार आणि सरकार यावर कधी निर्णय घेणार, याकडे संपूर्ण राज्याचं लक्ष लागलं आहे..नाशिक शहरात आजपासून म्हणजेच १८ जुलैपासून १ ऑगस्ट २०२५ पर्यंत महाराष्ट्र पोलीस कायदा कलम 37 (1) (3) अंतर्गत मनाई आदेश लागू करण्यात आला आहे. आगामी सण, उत्सव आणि राजकीय घडामोडींच्या पार्श्वभूमीवर कायदा आणि सुव्यवस्थेचा प्रश्न निर्माण होऊ नये, यासाठी हा निर्णय घेण्यात आला आहे. या कालावधीत पोलिसांच्या परवानगीशिवाय कोणतेही आंदोलन, रास्ता रोको, मोर्चा किंवा निदर्शनं आयोजित करता येणार नाहीत. तसेच स्फोटक पदार्थ, शस्त्र बाळगणे, जमा करणे अथवा विक्री करणे यावरही सक्त मनाई आहे. नागरिकांनी प्रतीकात्मक चित्रं, पुतळ्यांचे दहन, आक्षेपार्ह घोषणाबाजी किंवा वक्तव्य टाळण्याचे आवाहन प्रशासनाने केले आहे. आदेशाचे उल्लंघन करणाऱ्यांवर कठोर कारवाई करण्यात येणार असल्याचेही पोलीस प्रशासनाने स्पष्ट केले आहे..विधिमंडळात गुरुवारी राड्यानंतर संजय राऊत यांनी मुख्यमंत्री देवेंद्र फडणवीस यांच्यावर निशाणा साधला आहे. आरएसएसच्या संस्कृतीत हे बसतं का? फडणवीसांनी सांगावे असा सवाल त्यांनी केला आहे. .दिल्लीतील २० हून अधिक शाळांना ईमेलद्वारे बॉम्बच्या धमक्या मिळाल्या आहेत, असे अधिकाऱ्यांनी शुक्रवारी सांगितले. पोलिसांनी दिलेल्या माहितीनुसार, दिल्लीच्या पश्चिम विहार परिसरातील रिचमंड ग्लोबल स्कूलला बॉम्बची धमकी मिळाल्याचे वृत्त आहे..पुणे जिल्ह्यातील ६१ पूल धोकादायक स्थितीत आहेत. यातील ५८ जिल्हा परिषद व ३ सार्वजनिक बांधकाम विभागाच्या अखत्यारित आहेत. जिल्हाधिकारी जितेंद्र डुडी यांनी धोकादायक स्थितीत असलेले पूल पाडण्याचे आदेश दिले आहेत. प्रत्यक्ष धोकादायक पूल पाडण्याची कारवाई पावसाळ्यानंतर होणार आहे..मंतरवाडी परिसरातील विश्व हाईट्सच्या एस के एस सोसायटीत कोयता गँगने राडा घालत गाड्यांची तोडफोड केली. कोयता टोळीने राडा घालत आठ ते दहा वाहने पेटवली असल्याची माहिती समोर येत आहे. मंतरवाडी चौकातील एका प्रसिद्ध सोसायटीत मध्यरात्री हातात शस्त्राने वाहने तोडफोड करून पेटवली. यात अनेक दुचाकी जळून खाक झाल्या आहेत..खासदार बजरंग सोनवणे यांनी ज्ञानेश्वरी मुंडे यांच्यासह महादेव मुंडे यांच्या कुटुंबाची भेट घेतली. या भेटीदरम्यान खासदार बजरंग सोनवणे यांना पाहून महादेव मुंडे यांच्या आईने हंबरडा फोडला. बजरंग सोनवणे यांच्या खांद्यावर डोके ठेवत या माऊलीने आपल्या अश्रूंना वाट मोकळी करून दिली. मुलगा गेला आता तुम्ही सांभाळा. आम्ही तुमच्या सोबत आहोत अशा शब्दात सोनवणे यांनी मुंडे कुटुंबांना धीर दिला.. उत्तर पुणे जिल्ह्यात लंम्पी आजाराच्या संसर्गाचे प्रमाण वाढत असल्याने ३१ जुलै २०२५ पर्यंत बैलगाडा शर्यतींवर बंदी घालण्यात आली आहे. या पार्श्वभूमीवर अखिल भारतीय बैलगाडा संघटनेने सर्व गाडेमालकांना शर्यतीत सहभागी होऊ नये, असे आवाहन करत नियमांचे उल्लंघन करणाऱ्या गाडेमालकांवर कडक कारवाई करण्याचे निर्देश दिले आहेत. असे असतानाही आंबेगाव तालुक्यातील लोणी येथे नियम धाब्यावर बसवत बैलगाडा शर्यतींचे आयोजन करण्यात आले आहे. उद्यापासून सलग दोन दिवस या शर्यती होणार आहेत..गेल्या दोन दिवसांपासून पावसानं विश्रांती घेतलीय. पुण्यात तापमानात वाढ झालीय. येत्या पाच दिवसात पुण्यात हलक्या पावसाची शक्यता हवामान विबागानं वर्तवलीय. .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Updates: देश-विदेशासह राज्यात दिवसभरात काय घडलं? वाचा एका क्लिकवर

दरेकरांचा राज ठाकरेंना टोला

Related Stories