Latest News Updates live : दिवसभरातील महत्त्वाच्या घडामोडी वाचा एका क्लिकवर...

वाशी ब्रिजवर एका चार चाकी गाडीने अचानक घेतला पेट घेतल्याची घटना घडली आहे. त्यामुळे मागील पाऊण तासांपासून वाहतूक ठप्प झाली आहे. .काळबादेवी परिसरात भिंत कोसळून दोघांचा मृत्यू तर एक जखमी झाला आहे. फणासवाडीतील एका इमारतीची ३० फूट लांब भिंत कोसळून ही दुर्घटना घडली. शेजारील इमारतीच्या पुनर्विकासाचे काम सुरू असताना ड्रिल मशीनच्या हादऱ्यांमुळे दुर्घटना घडल्याची माहिती आहे. .छत्रपती संभाजीनगर शहरातील राडा प्रकरणी शिवसेना आणि भाजपच्या कार्यकर्त्यांवर गुन्हा दाखल झाला आहे. शिवसेना आणि भाजपच्या कार्यकर्त्यांवरती दंगलीचा गुन्हा दाखल झाला असून भाजपच्या 32 कार्यकर्त्यांवर तर शिवसेनेच्या तब्बल 28 कार्यकर्त्यांवर गुन्हा दाखल झाला. .छत्रपती शिवाजी महाराजांसोबत आमच्या भावना जोडलेल्या आहेत. आपण त्याची देवासारखी पूजा करतो. मात्र जोरदार वाऱ्यामुळे पुतळा कोसळला. ते दुर्दैवी आहे. असे महाराष्ट्राचे मुख्यमंत्री एकनाथ शिंदे पुतळा कोसळण्याच्या घटनेवर म्हणाले..कात्रज घाटात मृत प्राणी फेकले.जितेंद्र आव्हाड म्हणाले की, छत्रपती शिवाजी महाराजांनी साडेतीनशे वर्षांपूर्वी बांधलेले किल्ले अजूनही भक्कम आहेत आणि 'कंत्राटदार सरकार'ला महाराजांचा एक भक्कम पुतळा उभारता आला नाही, हा यांच्या कारभाराचा हिशेब आहे. "महाराष्ट्राचे आराध्यदैवत असलेल्या महाराजांचा पुतळा नेमका कुणाच्या मार्गदर्शनाखाली तयार केला गेलाय? हा पुतळा उभा आणि हातात म्यानातून उपसलेसी तलवार असलेलाच का आहे? कुणालाच या पुतळ्यामध्ये काहीच चुकीचं वाटत नाही का?" हे सर्व प्रश्न मी उद्घाटनानंतर उपस्थित केले होते. आज महाराजांचा पुतळा कोसळल्यानंतर त्या दिखावेगिरीचा पर्दाफाश झाला आहे. महाराज आम्हाला माफ करा!.मालवण येथे छत्रपती शिवाजी महाराजांच्या पुतळ्याबाबत झालेली घटना अत्यंत दुर्दैवी असून बेजबाबदार सरकारचा जाहीर निषेध. सरकार फक्त दिखाव्यांसाठी काम करते का? महापुरुषांच्या स्मारकांच्या कामातही #दलाली खाल्ली का? असा प्रश्न आज पडतो. महाराष्ट्राला दलालीच्या_दलदलीत अडकवणाऱ्या या टेंडरबाज सरकारला जमीनदोस्त केल्याशिवाय महाराष्ट्र आता स्वस्थ बसणार नाही. असो! द्वेष पसरवण्याच्या गोष्टींमध्ये डराव-डराव करणारे स्थानिक नेते याबाबत सरकारला जाब विचारतील, ही अपेक्षा! .शरद पवारांच्या राष्ट्रवादी काँग्रेसनं इच्छुकांकडून विधानसभेच्या उमेदवारीसाठी अर्ज मागवले आहेत. इच्छूक उमेदवारांना ५ सप्टेंबरपर्यंत अर्ज करता येणार आहेत. अर्जासोबत 10 हजार रुपयांचा DD शुल्क म्हणून जमा करावा लागणार आहे. सर्वच्या सर्व 288 जागांसाठी अर्ज मागवले आहेत..मालवण इथल्या राजकोट किल्ल्यावर कोसळलेल्या छत्रपती शिवाजी महाराजांच्या पुतळ्यावरुन आता राजकारण पेटलं आहे. काँग्रेसनं भाजपच्या कामकाजावर चांगलंच तोंडसुख घेतलं आहे. ८ महिन्यांपूर्वी पंतप्रधान नरेंद्र मोदींनी मालवण येथील राजकोट किल्ल्यावर अनावरण केलेला छत्रपती शिवाजी महाराजांचा पुतळा कोसळला. भ्रष्टाचार आणि अनितीचे प्रतीक भाजपाचं प्रशासन आहे. यांच्या राज्यात काहीच सुरक्षित नाही. याअगोदर छत्रपती शिवाजी महाराजांच्या अरबी समुद्रात जाहीर केलेल्या स्मारकाच्या कामातही भ्रष्टाचार झाला होता. उज्जैन येथे महाकाल मंदिर आवारात मोदींनी अनावरण केलेले सप्तर्षींचे पुतळे असेच कोसळले होते. छत्रपती शिवाजी महाराजांचा हा अवमान व अनादर आहे. याचा जाहीर निषेध! असं काँग्रेसचे प्रवक्ते सचिन सावंत यांनी म्हटलं आहे..समाजवादी पक्षाचे प्रदेशाध्यक्ष आमदार अबू आझमी यांनी शरद पवारांच्या राष्ट्रवादीचे प्रदेशाध्यक्ष जयंत पाटील यांची भेट घेतली. यावेळी दोघांमध्ये आगामी विधानसभा निवडणुकीच्या अनुषंगानं जागा वाटपावर चर्चा झाल्याची माहिती सुत्रांनी दिली आहे. जागा वाटप लवकरात लवकर व्हायला हवं असंही आझमी यांनी यावेळी म्हटलं. राज्याच्या राजकारणात अल्पसंख्याक चेहरे दिसत नाहीत, त्यामुळं त्यांना उमेदवारी द्यायला हवी. समाजाचे निर्णय घेताना तिथं त्या समाजातील नेतृत्व असायला हवं. .मुंबईत आम्ही ६ जागा लढणार आहोत, पवार साहेबांनी याबाबत आम्हाला आधीच सांगितलेलं आहे, असं वक्तव्य शरद पवार गटाचे प्रवक्ते अमोल मातेले यांनी केलं आहे..वानवडी पोलीस ठाण्याचे सहाय्यक पोलीस निरीक्षक रत्नदीप गायकवाड यांच्यावर हल्ल्या केल्याप्रकरणी गणेश शाखेच्या पोलिसांनी आज दोन आरोपींना अटक केली आहे. सोलापूर मधील वरवड टोलनाक्या जवळ या दोन्ही आरोपींना पोलिसांनी बेड्या ठोकल्या. या दोन्ही आरोपींवर याआधी पुण्यात अनेक ठिकाणी काही गंभीर गुन्हे दाखल आहेत. कालच्या हल्ल्याच्या प्रकरणी आज दोन्ही आरोपींना न्यायालयात हजर करण्यात आलं आहे.आपल्या अनेकविध मिठाई, नमकीन आणि एकाहून एक सरस स्नॅक्स पदार्थांसाठी भारतभर नावलौकिक असलेले चितळे बंधू मिठाईवाले यावर्षी आपल्या ७५ व्या वर्षात पदार्पण करत आहेत. अमृतमहोत्सवी वर्ष साजरे करत असताना 'क्रिकेटचा देव' अशी ओळख असलेले भारतरत्न सचिन तेंडुलकर आता चितळे बंधू मिठाईवाले यांचे ब्रँड ॲम्बेसेडर असतील अशी घोषणा चितळे बंधू मिठाईवालेचे भागीदार केदार व इंद्रनील चितळे यांनी केली आहे. नजीकच्या भविष्यातील चितळे बंधू यांचा हा प्रवास सचिन तेंडुलकर यांच्या प्रमाणेच परंपरा व ‘स्टार पॉवर’ यांचा संगम असलेला व सचिनच्या चाहत्यांप्रमाणेच ग्राहकांनाही आनंद देणारा असेल, असा विश्वास देखील त्यांनी व्यक्त केला..कोल्हापूर जिल्ह्यातील कोरोचीमध्ये मुख्याध्यापकाला नागरिकांनी शाळेतच मार दिल्याची घटना घडली आहे.महिला मदतनीस आणि शिक्षिकेची छेड काढल्या प्रकरणी नागरिकांनी शाळेत जाऊन केली धुलाई. कोरोची येथील जिल्हा परिषद शाळेतील घटना. नागरिकांनी विचारला मुख्याध्यापकाला जाब.काही दिवसांपासून समाजमाध्यमांवर व्हायरल झालाय व्हिडिओ..विविध मागण्यांसाठी जिल्हा परिषदेसमोरील रस्ता दिव्यांग बांधवांनी अडवला पुणे जिल्हा परिषद दिव्यांग विभागामधील रिक्त असलेल्या सहाय्यक सल्लागार पदे तत्काळ भरण्यात यावी औंध येथे सुरू असलेल्या जिल्हा दिव्यांग पुनर्वसन इमारत बांधकाम प्रक्रियेतील अनियमित्तानंतर पुढील रक्कम ठेकेदारला देण्यात येऊ नये.जिल्हा समाज कल्याण कार्यालयामध्ये दिव्यांगाच्या विशेष शाळेतील प्रतिनियुक्त कर्मचारी कार्यमुक्त करून संबंधित शाळांमध्ये वर्ग करावे. या मागण्यांसाठी दिव्यांग बांधव एकवटले..नाशिकचे पालकमंत्री दादा भुसे यांनी होळकर पुलावरून रामकुंड आणि गोदा घाटावरील पूर परिस्थितीची पाहणी केली आहे. . गुजरात जिल्ह्यातल्या मुसळधार पावसामुळे गांधीनगरच्या संत सरोवर धरणाच्या पाण्याच्या पातळीत सातत्यानं वाढ. .युक्रेनने सोमवारी रशियाच्या साराटोव्ह शहरावर ड्रोन हल्ला केला. या शहरातील सर्वात उंच इमारती 'व्होल्गा स्काय'ला लक्ष्य करण्यात आले आहे. सोशल मीडियावर एक व्हिडिओ वेगाने व्हायरल होत आहे, ज्यामध्ये ड्रोन व्होल्गा स्काय बिल्डिंगला धडकताना दिसत आहे..अरबी समुद्रात वादळाचा इशारा दिल्याने रायगड जिल्ह्यातील मुरुडसह आगरदांडा किनाऱ्याच्या आश्रयाला 700 ते 800 बोटी दाखल..नाशिकच्या शासकीय विश्रामगृहावर दादा भुसे आणि प्रकाश आंबेडकर यांची भेट झाली. प्रकाश आंबेडकर पैसा आंदोलकांना भेटण्यासाठी नाशिकमध्ये आले असता दोघांमध्ये शासकीय विश्रामगृहा बाहेर चर्चा झाली. .कृती समितीला आश्वासन देऊनही निर्णय न झाल्याने एसटी कर्मचारी ३ सप्टेंबरपासून संपावर जाणार. मुख्यमंत्र्यांनी दिलेले आश्वासन पाळले नसल्याचा एसटी युनियनच्या पदाधिकाऱ्यांचा आरोप. मुख्यमंत्र्यांनी तातडीने बैठक घेऊन वेतनाचा मुद्दा निकाली काढा अशी मागणी एसटी युनियनने केली आहे. .मार्क्सवादी कम्युनिस्ट पक्षाने महाविकास आघाडी सोबत काडीमोड घ्यावी असे प्रकाश आंबेडकरांचे माजी आमदार जे पी गावीत यांना आवाहन केले असून राज्यातील तिसऱ्या आघाडीसोबत यावे अशी प्रकाश आंबेडकर यांनी त्यांना ऑफर दिली आहे. .भाजपने जाहीर केलेली पहिली यादी केली स्थगितकाही वेळापूर्वी 44 उमेदवारांची यादी भाजपने केली होती जाहीरकाही उमेदवारांच्या नावात अडचणी असल्याने यादी स्थगित केल्याची माहितीलवकरच नवी यादी जाहीर केली जाणार असल्याची माहिती.सिद्धिकी यांना फूड पॉइजनिंग झाल्यामुळे लिलावती रुग्णालयात दाखल करण्यात आले आहे. मागील दोन दिवसांपासून त्यांची प्रकृती ठीक नसल्यामुळे उपचारासाठी रुग्णालयात दाखल करण्यात आले. मंगळवारी त्यांना डिस्चार्ज मिळण्याची शक्यता आहे..राष्ट्रवादी काँग्रेसचे नेते बाबा सिद्दीकी यांना लिलावती रुग्णालयात दाखल करण्यात आले आहे. बाबा सिद्दिकी यांना फूड पॉइजनिंग झाल्याने त्यांना उपचारासाठी रुग्णालयात दाखल करण्यात आले असून मागील २ दिवसांपूर्वी प्रकृती ठीक वाटत नसल्याची माहिती समोर आली आहे. मंगळवारी बाबा सिद्दीकीयांना डिस्चार्ज मिळण्याची शक्यता आहे. .युनिफाइड पेन्शन स्कीम (यूपीएस) बद्दल, राष्ट्रवादी-एससीपी नेते रोहित पवार म्हणाले, "कर्मचारी संघटनेने त्याचे स्वागत केले असले तर आम्हाला ते स्वीकारावे लागेल. मी अद्याप त्याच्या तपशीलात गेलो नाही. या मुद्द्यावर राजकारण करू नये.".रेल्वे टॅपिंग इंजिन रुळावर बंद पडल्याने कोकण रेल्वेची वाहतूक विस्कळीत झाल्याचा प्रकार समोर आला आहे. .आगामी जम्मू-काश्मीर विधानसभा निवडणुकीसाठी भाजपाची ४४ उमेदवारांची यादी जाहीर. .नृसिंहवाडी : येथे कृष्णा व पंचगंगा नदीच्या पाणी पातळीत सात फुटांनी वाढ झाली आहे. दरम्यान, चार दिवस पडणाऱ्या पावसामुळे येथील दत मंदिरासमोर पातळीत दिवसभरात सात फुटांनी वाढ झाली आहे. गेल्याच महिन्यात पावसाचे थैमान कमी होऊन व महापूर कमी होऊन जनजीवन सुरळीत सुरू असताना पुन्हा पातळी वाढू लागली आहे. .आज पालखेड धरणातून 5691 क्युसेकने विसर्ग वाढवून एकूण 20333 क्युसेकने कादवा नदीत सोडण्यात आला आहे. दरम्यान, गोदावरीला पूर आला असून दुतोंड्या मारुतीच्या मानेपर्यंत पाणी आले आहे..राजापूर : अणुस्कुरा घाटामध्ये पडलेली दरड हटवून रस्ता वाहतुकीसाठी मोकळा करण्याचे सार्वजनिक बांधकाम विभागाकडून कसोशीने प्रयत्न सुरू आहेत. मात्र, मातीसोबत रस्त्यावर आलेले मोठमोठे दगड हटविण्यात अद्यापही यश आलेले नाही. त्यामुळे सलग दुसऱ्या दिवशीही अणुस्कुरा घाट रस्ता बंद आहे..काँग्रेस पक्षाचे ज्येष्ठ नेते, नांदेड लोकसभा मतदारसंघाचे खासदार वसंतरावजी चव्हाण यांच्या निधनाची वार्ता अत्यंत धक्कादायक आहे. प्रतिकूल परिस्थितीत देखील त्यांनी काँग्रेस पक्षाशी सदैव एकनिष्ठ राहून काँग्रेस पक्षाचा विचार घरोघरी पोहोचवला. वसंतरावजी चव्हाण साहेबांना जड अंतःकरणाने श्रद्धांजली अर्पण करतो. चव्हाण कुटुंबीयांवर कोसळलेल्या या दुःखात संपूर्ण काँग्रेस पक्ष त्यांच्या सोबत आहे, असे ट्विट करत नाना पटोले यांनी दु:ख व्यक्त केले आहे..भाजप आमदार आशिष शेलार यांचा पीए असल्याचे भासवून तुरुंगातील कैद्यांच्या नातेवाइकांची फसवणूक केल्याप्रकरणी आरोपी अमीन इरफान बेंद्रेकरला अटक करण्यात आलीये. आरोपीनं वकिलांशी संपर्क साधून त्यांच्या ग्राहकांची माहिती मिळवली आणि राज्य सरकारकडून मदतीचं आश्वासन देत पैसे उकळले. याबाबत पुढील तपास सुरू असल्याची माहिती वांद्रे पोलिसांनी दिली..शिराळा : तालुक्यात गेल्या दोन दिवसांपासून पावसाचा जोर कायम असून, २४ तासांत चांदोली ८० व चरण येथे ७०.३ मिलिमीटर पावसाची नोंद झाली. दोन्ही ठिकाणी अतिवृष्टी झाली आहे. पाथरपुंज येथे १५९ मिलिमीटर पावसाची नोंद झाली आहे. .नांदेडचे खासदार वसंत चव्हाण यांचे निधन झाले आहे. ते 70 वर्षांचे होते. गेल्या काही दिवसांपासून चव्हाण यांची प्रकृती खालावली होती. त्यांच्यावर हैदराबाद येथील किम्स रुग्णालयात उपचार सुरू होते. सोमवारी पहाटे चारच्या सुमारास त्यांची प्राणज्योत मालवली. इथे क्लिक करा.पुणे : कमी दाब क्षेत्रामुळे मॉन्सून सक्रिय झाल्याने राज्यात दमदार पावसाने हजेरी लावली आहे. उद्या (ता. २६) कोकण, मध्य महाराष्ट्राच्या घाटमाथ्यावर मुसळधार पावसाचा इशारा आहे. उत्तर महाराष्ट्रात जोरदार पावसाचा इशारा आहे. उर्वरित तुरळक ठिकाणी विजांसह मध्यम ते जोरदार सरींची शक्यता हवामान विभागाने वर्तविली आहे. वायव्य मध्य प्रदेशात तीव्र कमी दाबाचे क्षेत्र (डिप्रेशन) सक्रिय असून, ही प्रणाली राजस्थान आणि गुजरातकडे सरकताना आणखी तीव्र होण्याचे संकेत आहेत..राधानगरी : पाणलोटक्षेत्रातील अतिवृष्टीने पाणीपातळीत झपाट्याने वाढ झाल्याने राधानगरी धरणाचे चार स्वयंचलित दरवाजे आज खुले झाले. काल पहाटेपासून दुपारी बारा वाजेपर्यंत टप्प्याटप्प्याने खुल्या झालेल्या या दरवाज्यातून ५६०० तर वीजनिर्मितीसाठी सोडलेले १५०० असा ७१०० क्युसेक पाण्याचा विसर्ग भोगावती नदीत सुरू आहे..नवी दिल्ली : जम्मू काश्मीर विधानसभा निवडणुकीसाठी भाजपच्या केंद्रीय निवडणूक समितीची बैठक पार पडलीये. विधानसभा निवडणुकीसाठी भाजपकडून 60 पेक्षा जास्त जागांवर उमेदवारांची नावे निश्चित मानली जात आहेत. आज भाजप उमेदवारांची पहिली अधिकृत यादी जाहीर करण्याची शक्यता आहे. जम्मू कश्मीरमध्ये 3 टप्प्यांमध्ये विधानसभेच्या निवडणुका होत असून 4 ऑक्टोबर रोजी मतमोजणी होणार आहे. .Latest Marathi Live Updates 26 August 2024 : पश्चिम महाराष्ट्रातील सर्वभागात गेल्या दोन दिवसांपासून दमदार पाऊस सुरू आहे. आजही हवामान विभागाने पावसाचा अंदाज वर्तविला आहे. तसेच जम्मू काश्मीरमध्ये होणाऱ्या विधानसभा निवडणुकीसाठी राष्ट्रवादी काँग्रेसने सहा उमेदवारांच्या नावांची घोषणा केली आहे. त्याचबरोबर जम्मू काश्मीर विधानसभा निवडणुकीसाठी भाजपच्या केंद्रीय निवडणूक समितीची बैठक पार पडलीये. आज भाजप उमेदवारांची पहिली अधिकृत यादी जाहीर होण्याची शक्यता आहे. या शिवाय, राज्यात दोन दिवसांपासून ढगाळ वातावरण असून काही ठिकाणी पाऊस पडत आहे. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर...सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest News Updates live : दिवसभरातील महत्त्वाच्या घडामोडी वाचा एका क्लिकवर...

वाशी ब्रिजवर चार चाकी गाडीने घेतला पेट

Related Stories