'आम्ही पाच मारले' या भाजपच्या माजी आमदाराच्या विधानावर महुआ मोईत्रांचा हल्लाबोल

मॉब लिंचिंगचा एक वादग्रस्त व्हिडिओ व्हायरल झाल्यानंतर टीएमसी खासदार महुआ मोईत्रा यांनी राजस्थानमधील भाजप नेते आणि माजी आमदार ज्ञानदेव आहुजा यांच्यावर हल्लाबोल केला आहे. महुआ यांनी म्हटले आहे की बिलकीस बानो बलात्कार प्रकरणातील 11 दोषींचे स्वागत करणार्‍या पक्षाला गुजरातमधून राजस्थानला पाठवावे जेणेकरून ते या भाजप नेत्यालाही पुष्पहार घालू शकतील.

खरंतर, शनिवारी ज्ञानदेव आहुजाचा एक व्हिडिओ व्हायरल झाला होता. यामध्ये त्यांनी उदयपूरमधील कन्हैया लालचा शिरच्छेद केल्याच्या घटनेचा उल्लेख केला आहे. ज्ञानदेव आहुजा यांनी सांगितले की, त्यांनी पहिल्यांदाच एकाची हत्या केली आहे. आतापर्यंत आम्ही पाच जण मारले आहेत. ते म्हणाले मी माझ्या कार्यकर्त्यांना सूट दिली आहे. मारा, निर्दोष सुटका करून देऊ, तसेच जामीनही मिळवून देऊ असंही ते व्हिडिओमध्ये म्हणत आहेत.

हा व्हिडिओ व्हायरल झाल्यानंतर महुआ मोइत्राने दोन ट्विट केले आहेत. त्यांनी लिहिले आहे की, मिशी असलेला हा भाजपचा राक्षस पाच जणांना मारल्याचा दावा करत आहे. आत्तापर्यंत आम्ही पाच जण मारले, असे सांगत आहे. वर्षानुवर्षे मारण्याची सूट आम्ही दिली आहे.

यानंतर महुआने आणखी एक ट्विट करत टोमणा मारला की, भाजपने बिल्किस बानों प्रकरणातील दोषींचे स्वागत करणाऱ्या पक्षाला गुजरातमधून राजस्थानला पाठवावे, जेणेकरून ते या भाजप नेत्याचे स्वागत करू शकतील.