मालेगाव बॉम्बस्फोट प्रकरणातून निर्दोष मुक्त झालेल्या आणि भाजपच्या माजी खासदार प्रज्ञा ठाकूर यांनी एक खळबळजनक दावा केला आहे. मालेगाव बॉम्बस्फोट प्रकरणात पंतप्रधान मोदी, आरएसएस प्रमुख मोहन भागवत, उत्तर प्रदेशचे मुख्यमंत्री योगी आदित्यनाथ आणि इतरांचे नाव घेण्यासाठी तपास अधिकाऱ्यांनी आपल्यावर दबाव आणण्याचा प्रयत्न केला असल्याचे साध्वी प्रज्ञांसिह ठाकूर यांनी सांगितले.