मोदींच्या बैठकीत उशीरा येऊन ममता म्हणाल्या, 'इतरही बैठका आहेत, निघते'

कोलकाता : आज पंतप्रधान नरेंद्र मोदी यास चक्रीवादळामुळे ओडीसा आणि बंगालमध्ये झालेल्या नुकसानीसंदर्भातील आढावा घेत आहे. ते या चक्रीवादळामुळे नुकसान झालेल्या भागाचा दौरा करत आहेत. पश्चिम बंगालमध्ये यास चक्रीवादळाचा आढावा घेण्यासाठीची बैठक बोलावण्यात आली होती. या बैठकीत सुवेंदु अधिकारी यांना देखील निमंत्रण दिलं गेलं आहे, ज्यावर मुख्यमंत्री ममता बॅनर्जी यांनी नाराजी जाहीर केली आहे. आज मुख्यमंत्री ममता बॅनर्जी यांनी देखील नुकसानीचा आढावा घेतला आहे. मात्र मोदी आणि ममता बॅनर्जी यांनी वेगवेगळे हवाई सर्वेक्षण केले आहे.

बंगालच्या मुख्यमंत्री ममता बॅनर्जी या बैठकीत सामील होणार नाहीयेत. त्यांच्या या कृत्यामुळे राज्य आणि केंद्र सरकारमधील अंतर अधिक वाढण्याच्या शक्यता आहेत. यास चक्रीवादळासंदर्भात पंतप्रधान मोदींच्या या आढावा बैठकीत पश्चिम बंगालचे राज्यपाल जगदीप धनखड, ममता बॅनर्जी, केंद्री मंत्री देवाश्री चौधरी आणि धर्मेंद्र प्रधान देखील सामील होणार आहेत. याशिवाय विरोधी पक्षनेते सुवेंदु अधिकारी देखील सामील होणार आहेत, मात्र ममता बॅनर्जी यांनी या बैठकीत यायला अर्धा तास उशीर केला. आल्यानंतर त्यांनी चक्रीवादळाच्या नुकसानीसंदर्भातील कागदपत्रे बैठकीत सादर केली, इतर नियोजित बैठका असल्याचं सांगत त्या निघून गेल्या, अशी माहिती सुत्रांनी दिली आहे. थोडक्यात, ममता बॅनर्जी यांनी बैठकीत येण्यास नकार दिला आहे.