'ममता बॅनर्जी सद्दाम हुसैनसारख्या'

'ममता बॅनर्जी सद्दाम हुसैनसारख्या'

नवी दिल्ली : तृणमूल काँग्रेसच्या अध्यक्षा आणि पश्चिम बंगालच्या मुख्यमंत्री ममता बॅनर्जी हुकुमशहा सद्दाम हुसैनप्रमाणे वागत आहेत, अशी टीका अभिनेता विवेक ओबेरॉयने आज (बुधवार) केली. तसेच ममता दीदींची 'दीदीगिरी' जास्त दिवस चालणार नाही, असेही ओबेरॉय याने सांगितले. 

तृणमूल काँग्रेस आणि भाजप कार्यकर्त्यांमध्ये कोलकाता येथे काल (मंगळवार) मोठी हाणामारी झाली होती. या हाणामारीनंतर अनेक कार्यकर्त्यांना मध्यरात्री अटक करण्यात आली. या सर्व परिस्थितीच्या पार्श्वभूमीवर विवेक ओबेरॉय म्हणाला, दीदींसारखे (ममता) आदरणीय व्यक्तिमत्त्व सद्दाम हुसैनप्रमाणे का वागत आहे, मला कळत नाही. 'खरं तर लोकशाही खतरे में' है अशी मागणी करणाऱ्या ममता दीदींमुळेच लोकशाही धोक्यात आली आहे. दीदींची ही दीदीगिरी चालणार नाही. 

दरम्यान, पश्चिम बंगालच्या या परिस्थितीवर कलाकारांपैकी विवेक ओबेरॉयने हे वक्तव्य पहिल्यांदा केले आहे. आता ममता बॅनर्जी यांच्याकडून यावर काय प्रतिक्रिया येते हेच पाहावे लागणार आहे. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com