इंधन दरवाढीवरून ठाकरेंनंतर ममता बॅनर्जींचे मोदींना उत्तर, म्हणाल्या...

महाराष्ट्राचे मुख्यमंत्री उध्दव ठाकरे यांच्यांनंतर पश्चिम बंगालच्या मुख्यमंत्री ममता बॅनर्जी यांनी पंतप्रधान नरेंद्र मोदींवर इंधन दरवाढीवरून निशाणा साधला. त्यांनी बुधवारी राज्य सरकारांना इंधनाच्या किमतींवरील व्हॅट कमी करण्यास सांगितल्याबद्दल पंतप्रधान नरेंद्र मोदी यांच्यावर टीका केली आहे. पश्चिम बंगालच्या मुख्यमंत्री ममता बॅनर्जी यांनी बुधवारी सांगितले की, पश्चिम बंगाल सरकारने गेल्या तीन वर्षांत राज्यातील पेट्रोल आणि डिझेलच्या किमतींवर सबसिडी देण्यासाठी 1,500 कोटी रुपये खर्च केले आहेत.

पंतप्रधान नरेंद्र मोदी यांनी मुख्यमंत्र्यांशी व्हर्च्युअल संवाद साधून महाराष्ट्र, केरळ आणि पश्चिम बंगाल यांसारख्या बिगर भाजप शासित राज्यांमध्ये इंधनाच्या वाढीव किमती असल्याचे सांगत या राज्य सरकारांना सामान्याच्या फायद्यासाठी व्हॅट कमी करण्यास सांगितले त्यानंतर काही तासांनी त्यांनी प्रत्युत्तर दिलं आहे.

"पंतप्रधान नरेंद्र मोदींसोबतचा आजचा संवाद पूर्णपणे एकतर्फी आणि दिशाभूल करणारा होता. त्यांनी शेअर केलेले माहिती चुकीचे होती. आम्ही गेल्या तीन वर्षांपासून प्रत्येक लिटर पेट्रोल आणि डिझेलवर 1 रुपये सबसिडी देत ​​आहोत. आम्ही 1,500 कोटी रुपये खर्च केले आहेत.” असे ममता बॅनर्जी यांनी राज्य सचिवालयात पत्रकारांना सांगितले.

या सोबतच या बैठकीत मुख्यमंत्र्यांना बोलण्यास वाव नव्हता असा दावा त्यांनी केला आणि त्यामुळे ते पंतप्रधानांच्या विधानाला विरोध करू शकलो नाहीत असे त्यांनी सांगितले. इंधनाच्या किमती कमी करण्याची मागणी करताना त्या म्हणाल्या की, "कोरोना आढावा बैठकीत पंतप्रधान इंधन दरवाढीवर बोलले नसते तर बरे झाले असते, हा त्यांचा अजेंडा होता,"