तिकीट नसल्याने चालत्या रेल्वेत बलात्कार, पॅन्ट्रीमध्ये केलं कृत्य

मध्य प्रदेशातील इटारसी रेल्वे स्थानकाजवळ धक्कादायक प्रकार समोर आला आहे. चालत्या ट्रेनच्या पॅंट्रीमध्ये २१ वर्षांच्या तरुणीवर बलात्कार केल्याप्रकरणी एकाला अटक करण्यात आली आहे. (Rape in MadyaPradhesh )

रेल्वेच्या अतिरिक्त पोलीस अधीक्षण प्रतिमा मॅथ्यू यांनी दिलेल्या माहितीनुसार, ही महिला कर्नाटक क्रांती ट्रेनच्या एसी कोचमधून ट्रॅव्हल करत होती. भुसावळहून दिल्लीला जाताना हा प्रकार घडला. तिकीट नसल्याने ही महिला टॉयलेटजवळ जमिनीवर झोपली होती. (Rape in Train)

तिला फुकट जागा देण्याच्या बहाण्याने नराधमाने महिलेला पॅंट्रीमध्ये नेलं आणि तिच्यावर बलात्कार केला. त्यानंतर महिलेने काही प्रवाशांना घटनेची माहिती दिली. यानंतर रेल्वेच्या नियंत्रण कक्षाला माहिती दिली, आणि के कृष्णकृत्य समोर आलं.

ट्रेन भोपाळला पोहोचल्यानंतर पॅन्ट्री कारमधील सर्व कर्मचाऱ्यांना ताब्यात घेण्यात आलं. पोलीस ठाण्यात नेल्यानंतर ट्रेनमध्ये लपून बसलेल्या संशयित आरोपीला झाशी रेल्वे स्थानकावर पकडण्यात आल्याची माहिती पोलिसांनी दिली.

भारतीय दंड संहितेच्या (IPC) संबंधित कलमांतर्गत गुन्हा दाखल करण्यात आला असून पुढील तपास सुरू आहे, अशी माहिती अतिरिक्त पोलीस अधीक्षकांनी दिली.