मणिपूरमधील 12 मतदान केंद्रांवर 5 मार्चला पुन्हा मतदान; निवडणूक आयोगाचा महत्वपूर्ण निर्णय | Sakal
sakal

बोलून बातमी शोधा

Election Commission

मणिपूरमध्ये विधानसभेच्या एकूण 60 जागांसाठी दोन टप्प्यात मतदान होत आहे.

मणिपूरमधील 12 मतदान केंद्रांवर 5 मार्चला पुन्हा मतदान : निवडणूक आयोग

इम्फाल : निवडणूक आयोगानं (Election Commission) मणिपूरमधील पाच विधानसभा मतदारसंघातील (Manipur Assembly constituency) 12 मतदान केंद्रांवर पुन्हा मतदान घेण्याचे आदेश दिलेत. या जागांसाठी 28 फेब्रुवारी रोजी मतदान झालं होतं. मणिपूरचे मुख्य निवडणूक अधिकारी राजेश अग्रवाल (Election Officer Rajesh Agarwal) यांनी जारी केलेल्या निवेदनात म्हंटलंय की, या केंद्रांवर 5 मार्च रोजी पुन्हा मतदान होईल. खुंद्रकपम, सैतू, थानलॉन, हेंगलप आणि चुराचंदपूर विधानसभा मतदारसंघातील केंद्रांवर पुन्हा मतदान होणार असून या केंद्रांवर फेरमतदानाची शिफारस करण्यात आली होती, असं निवेदनात नमूद केलंय.

या मतदान केंद्रांवर ईव्हीएम मशिनचं (EVM Machine) नुकसान करण्यात आलं होतं, त्यामुळं आयोगानं हा निर्णय घेतलाय. सरौथेल, न्यू कीथेलमानबी, सोंगसांग, माईते, तिनसेओंग, माझुरोन कुकी, चिंगफेई, खोइरेंटक, मोलसांग, लेइनोम, तिकोट आणि मौकोट या मतदान केंद्रांत पुन्हा मतदान होणार आहे. विधानसभा निवडणुकीच्या पहिल्या टप्प्यात 38 विधानसभा जागांसाठी 28 फेब्रुवारीला मतदान झालं होतं, तर दुसऱ्या टप्प्यात 22 जागांसाठी 5 मार्चला मतदान होणार आहे.

हेही वाचा: 70 वर्षात काँग्रेसनं फक्त 74 विमानतळं बांधली : ज्योतिरादित्य सिंधिया

मणिपूरमध्ये विधानसभेच्या एकूण 60 जागांसाठी दोन टप्प्यात मतदान होणार होतं. मणिपूरमध्ये पहिल्या टप्प्यातील मतदान 27 फेब्रुवारी रोजी घोषित करण्यात आलं आणि दुसऱ्या टप्प्यातील मतदान 3 मार्च 2022 रोजी घोषित करण्यात आलं. मणिपूरमध्ये 10 मार्चला मतमोजणी होणार आहे. सध्या मणिपूरमध्ये भाजपचं सरकार (BJP Government) असून विद्यमान सरकारचा कार्यकाळ 19 मार्च 2022 रोजी संपत आहे.

Web Title: Manipur Assembly Election Voting Will Be Held Again On March 5 At 12 Polling Stations In Manipur Ec

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top