सबस्क्राईब करा
इंफाळ : मणिपूरचे मुख्यमंत्री एन. बिरेनसिंह यांच्या वाहनांच्या ताफ्यावर सोमवारी सकाळी संशयित दहशतवाद्यांनी केलेल्या हल्ल्यामध्ये सुरक्षा दलाचा एक कर्मचारी जखमी झाला. मुख्यमंत्री हिंसाचारग्रस्त जिरीबाम या भागाच्या पाहणीसाठी जात असताना सकाळी साडेदहाच्या सुमारास कोतलेन खेड्याजवळ राष्ट्रीय महामार्ग क्रमांक-५३ येथे हा हल्ला झाल्याची माहिती अधिकाऱ्यांनी दिली. या दहशतवादी हल्ल्यानंतर परिसरात झडतीसत्र राबविण्यात अाले आणि नाकाबंदी करण्यात आली.
दहशतवाद्यांनी वाहनांच्या ताफ्याच्या दिशेने बेछूट गोळीबार केल्यानंतर सुरक्षा दलाच्या जवानांनी देखील त्याला सडेतोड प्रत्युत्तर दिले. या गोळीबारामध्ये एका वाहन चालकाच्या उजव्या खांद्याला दुखापत झाल्याने त्याला इंफाळमधील रुग्णालयात दाखल करण्यात आले होते. ज्या ठिकाणी हा हल्ला झाला ते ठिकाण राजधानी मणिपूरपासून ३६ किलोमीटर अंतरावर आहे. दहशतवाद्यांच्या मुसक्या आवळण्यासाठी या भागामध्ये सध्या आक्रमक शोध मोहीम राबविली जात आहे.
मुख्यमंत्री एन. बिरेनसिंह हे जिरीबामला भेट देऊन दिल्लीला रवाना होणार होते अशी माहिती अधिकाऱ्यांनी दिली. जिरीबाममध्ये वांशिक हिंसाचाराचा भडका उडाला असून येथील हिंसाचारामध्ये शनिवारी सत्तर घरांची जाळपोळ करण्यात आली होती.
निर्वासित आश्रयाला
सिल्चर (आसाम) ः मणिपूरच्या हिंसाचारग्रस्त भागातील नागरिकांनी आसामच्या सिल्चर जिल्ह्यामध्ये आश्रय घ्यायला सुरूवात केली असल्याची माहिती स्थानिक आमदाराने दिली. सध्या आंतरराज्य सीमेवर मोठा पोलिस बंदोबस्त तैनात करण्यात आला आहे.
जिरीबाम जिल्ह्यामध्ये अज्ञातांनी शनिवार दोन पोलिस चौक्या, वनअधिकाऱ्याचे कार्यालय आणि ७० घरांची जाळपोळ केल्यानंतर या भागात पुन्हा तणाव निर्माण झाला आहे. आसामच्या कच्छर जिल्ह्यात लखीपूरच्या विविध भागांत सहाशेपेक्षा अधिक निर्वासितांनी आश्रय घेतला आहे. जिरी नदी ओलांडून हे निर्वासित या भागामध्ये येत असल्याचे बोलले जाते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.