Latest Marathi News: दिवसभरातील महत्त्वाच्या घडामोडी वाचा एका क्लिकवर...

दिल्ली स्फोटातील संशयित डॉक्टर शाहीनचं महाराष्ट्र कनेक्शन समोर आलं आहे. त्यामुळे महाराष्ट्र पोलिस अलर्ट मोडवर आहेत..लाल किल्ल्याजवळ झालेल्या स्फोटाच्या प्रकरणानंतर सुरक्षेच्या कारणास्तव लाल किल्ला मेट्रो स्टेशन १२ नोव्हेंबर रोजी बंद राहणार आहे. पण इतर सर्व स्टेशन सुरळीतपणे कार्यरत राहतील. .संध्याकाळी ६.०२ वाजता खोपोलीहून छत्रपती शिवाजी महाराज टर्मिनसकडे जाणाऱ्या रेल्वे गाडीने बैलाला उडवण्याची घटना घडली आहे. त्यामुळे मुंबईकडे जाणारी वाहतूक खोळंबली आहे..पुण्यातील कोथरूड पोलिसांकडून कुख्यात गुंड नीलेश घायवळ टोळीवर तिसरा मकोका लावण्यात आला आहे. घायवळ याच्यासह त्याचा भाऊ सचिन घायवळ याच्यावर मोकोका लावण्यात आलेला आहे. वारजे पोलिसांमध्ये खंडणीचा गुन्हा दाखल करण्यात आला होता .मनोज गजानन काळे यांच्या डोंगराजवळील शेतात लावलेल्या पिंज-यात हा बिबटया सोमवारी रात्रीच्या दरम्यान अडकला. आंबेशेत येथे रविवारी दिवसा दुपारच्या वेळी एका बिबटयाने धनगाराच्या मेंढयांच्या कळपातील एका शेळीवर हल्ला करून शेळीचा फडशा पाडला. त्यावेळी वनविभागाला याची माहिती मिळताच त्यांनी त्वरीत संबंधित ठिकाणी पिंजरा लावला. सोमवारी रात्रीच्यावेळी बिबटया पिंज-यात जेरबंद झाला. मंगळवारी सकाळी सहा वाजण्याच्या सुमारास पिंजरा वन विभागाच्या गाडीत चढविण्यात आला..दिल्लीत झालेल्या बॉम्बस्फोटाच्या घटनेनंतर शिर्डीत हायअलर्ट जारी करण्यात आला होता. शिर्डीत भाविकांच्या सुरक्षेची विशेष काळजी घेण्यात येत आहे. दर्शनासाठी येणाऱ्या भाविकांच्या वाहनांची तपासणी केली जात आहे. .वसई विरार शहर महानगरपालिकेच्या सार्वत्रिक निवडणूक 2025 च्या प्रभागाची आरक्षण सोडत जाहीर करण्यात आली. 29 प्रभागातील सदस्यांसाठी आरक्षण जाहीर झालं आहे. 20 नंबरच्या प्रभागात चढही जागांवर एससी, एसटी, ओबीसी महिला आणि सर्वसाधारण महिला आरक्षण जाहीर करण्यात आलं आहे. .अमरावती कृषी उत्पन्न बाजार समितीमध्ये सोयाबीनची आवक वाढली. नाफेड अंतर्गत अजूनही सोयाबीन खरेदी सुरू न झाल्याने शेतकऱ्यांना हमीभावापेक्षा कमी दराने सोयाबीन विकाव लागते. नाफेड मध्ये यावर्षी सोयाबीनला पाच हजार 328 रुपये क्विंटल इतका दर आहे तर बाजार समितीमध्ये सोयाबीनला फक्त 3 हजार 4 पर्यंतच दर मिळतोय . रब्बीची पेरणी करायची असल्याने शेतकऱ्यांना तातडीने सोयाबीन विकावं लागत आहे.सरपंच संतोष देशमुख खून प्रकरणाची सुनावणी पुन्हा पुढे ढकलली. पुढील सुनावणी 27 नोव्हेंबर रोजी होणार आहे. आरोपी विष्णू चाटे याच्या जामीन अर्जावर सरकारी पक्षाच्या वतीने लेखी म्हणणे मांडले. आरोपीचे वकिल शहा गैरहजर असल्याने इतर आरोपींच्या वकीलांच्या विनंतीवरुन दुसऱ्यांदा सुनावणी पुढे ढकलली. वाल्मीक कराडच्या संपत्ती जप्तीच्या अर्जावर पुढील सुनावणी दरम्यान निर्णय येण्याची शक्यता आहे. .गेली तीस वर्ष नगरपालिकेवर एक हाती सत्ता ठेवणारे शिवसेना गटाचे माजी नगराध्यक्ष संजय इंदुलकर यांनी भाजपात प्रवेश केला आहे. माजी नगराध्यक्ष नईम खान आणि माजी नगरसेवकांसह मुंबईत मुख्यमंत्री देवेंद्र फडणवीस, मंत्री गिरीश महाजन यांच्या उपस्थितीत पक्षप्रवेश केला आहे..रूपाली ठोंबरे–पाटील यांचा मोठा निर्णय!प्रवक्तेपदावरून वगळल्यानंतर उद्या त्या थेट अजित पवारांची भेट घेणार आहेत.करणे दाखवा नोटीस दिल्यानंतर पक्षाने ठोंबरे–पाटील यांचे पद तात्काळ काढून घेतले होते. या घडामोडीनंतर दोन्ही शिवसेना पक्षांकडून त्यांना प्रवेशाची ऑफर दिली जात असल्याची चर्चा आहे.दरम्यान, रूपाली ठोंबरे–पाटील यांनी सोशल मीडियावर भावनिक आणि आक्रमक पोस्ट केली आहे. त्या म्हणतात: “प्रस्थापित व्यवस्थेच्या छाताडावर पाय रोवून मी इथपर्यंत आले आहे. माझा आवाज दाबला जाणार नाही.”.सोलापूर महापालिका सार्वत्रिक निवडणूक 2025 साठी आरक्षण सोडत जाहीर...102 जागांपैकी 50 टक्के जागा 51 महिलांसाठी राखीव...खुल्या प्रवर्गासाठी 58,ओबीसी प्रवर्ग 27, अनुसूचित जातीसाठी 15 प्रवर्ग निश्चित आणि 2 अनुसूचित जमातीसाठी प्रवर्ग निश्चित...स्थानिक स्वराज्य संस्था निवडणुका 31 जानेवारीच्या आत घेण्याचे उच्च न्यायालयाचे आदेश, त्याच पार्श्वभूमीवर सोलापूर महानगर पालिका निवडणुका जाहीर ...या आरक्षण सोडतीमुळे अनेक दिग्गजांना धक्का, अनेक इच्छुक उमेदवारांचे स्वप्नभंगअंतिम आरक्षण सोडत 2 डिसेंबर ला जाहीर होणार....दिल्ली स्फोटानं सगळा देश हादरला आहे. या स्फोटाच्या पार्श्वभूमीवर देशभरातून हायअलर्ट जारी करण्यात आला आहे. दिल्ली स्फोट प्रकरण केंद्रीय गृहमंत्री अमित शाह यांनी NIAकडे सोपवले आहे. .थायलंडने कंबोडियावर सीमेवर नवीन भूसुरुंग बसवल्याचा आरोप केला. ट्रम्प-मध्यस्थी करार स्थगित केला..जळगावच्या एरंडोलमध्ये नगरपालिकेने स्वच्छतेकडे पुर्णपणे दुर्लक्ष केल्यामुळे साथीच्या आजाराची लागण होण्याची भिती व्यक्त केली जात आहे. शहरात ठिकठिकाणी कच-याचे ढीग जमा झाले असून डूकरांचा मुक्त संचार वाढला आहे.पालिकेने शहरात विशेष स्वच्छता मोहीम राबवण्याची मागणी नागरिकांनी केली आहे..इचलकरंजी शहरात अफूचा मोठा साठा जप्त केला आहे. इचलकरंजी पोलीस ठाण्याच्या गुन्हे शोध पथकाने थोरात चौकात सापळा रचत ही कारवाई केली. यावेळी मध्यप्रदेशातून आलेल्या चारचाकी वाहनातील दोघांना पोलिसांनी रंगेहात पकडले. त्यांच्याकडून तब्बल एक किलो अफूचा साठा हस्तगत करण्यात आला आहे. त्याची किमंत 1 लाख 92 हजार रुपये इतकी आहे. या कारवाईत संशयितांकडून पोलिसांनी चारचाकी वाहन, मोबाईल फोन जप्त केला आहे.दिल्ली येथे लाल किल्ल्या समोर झालेल्या स्फोटाच्या पार्श्वभूमीवर देशातील महत्त्वाच्या तीर्थक्षेत्रांना सुरक्षेच्या कारणास्तव देण्यात आलेल्या हाय अलर्ट नंतर महाराष्ट्राची कुलस्वामिनी आई तुळजाभवानी मंदिरामध्ये कडक सुरक्षा पाहायला मिळत आहे.श्री तुळजाभवानीच्या दर्शनासाठी देशाच्या कानाकोपऱ्यातून भाविक आलेल्या भाविकांना मंदिरामध्ये प्रवेश देताना पूर्णपणे तपासणी करून सोडले जात आहे. एक्स रे स्कॅनर मशीनच्या माध्यमातून भाविकांच्या बॅग आणि पर्स आणि इतर साहित्याची कडक तपासणी केली जात आहे..छत्रपती संभाजी नगर जिल्ह्यातील पर्यटन आणि देवस्थान स्थळावर यंत्रणा अलर्ट मोडवर आल्या आहेत. खुलताबाद तालुक्यातील भद्रा मारुतीच्या दर्शनाला येणाऱ्या प्रत्येक भाविकांची तपासणी करून दर्शनासाठी आज सोडलं जात आहे. भद्रा मारुतीच्या दर्शनाला राज्यातल्या वेगवेगळ्या भागातून हनुमान भक्त येत असतात कुठलाही अनुचित प्रकार होऊ नये यासाठीची खबरदारी सध्या पोलिसांच्या वतीने घेण्यात आली आहे..दिल्ली लाल किल्ल्याजवळ झालेल्या बॉम्बलास्टच्या पार्श्वभूमीवर नाशिकच्या मालेगावात देखील हायअलर्ट देण्यात आला आहे. त्याचा विचार करता मालेगावात पोलिस प्रशासन देखील अलर्ट झाले आहे. अती संवेदनशील शहर म्हणून ओळख असलेल्या मालेगावचा दोन बाँबस्फोटचा इतिहास बघता हा हायअलर्ट दिल्याचे बोलले जात आहे. मात्र यासाठी पोलिस प्रशासनान पूर्णपणे सज्ज आहे. रात्रीच पोलिसांनी विविध हॉटेल, लॉजिंग वर छापा सत्र केले.तसेच रस्त्यावर बेरिगेट लावत संशयित वाहनांची तपासनी देखील करण्यात आली..अहिल्यानगरच्या शनिशिंगणापूर येथे देखील पोलीस प्रशासनाकडून भाविकांच्या वाहनांची आणि भाविकांची कसून तपासणीशनिशिंगणापूर येथे राज्यातूनच नाही तर देशभरातून मोठ्या संख्येने भाविक येतात दर्शनालात्यामुळे या ठिकाणी पोलिसांचं विशेष लक्ष.आगामी नगरपंचायत आणि नगरपरिषद निवडणुकीच्या पार्श्वभूमीवर महायुतीमध्ये नागपूर जिल्ह्यात मतभेद उफाळल्याचं चित्र दिसत आहे. भाजपकडून प्रतिसाद न मिळाल्याने शिवसेना (शिंदे गट) नेते कृपाल तुमाने आणि अजित पवार गटाच्या पदाधिकाऱ्यांची स्वतंत्र बैठक झाली. या बैठकीत स्वतंत्रपणे निवडणूक लढवण्याबाबत चर्चा झाल्याचं बोललं जात असून, त्यामुळे महायुतीत नेमकं काय शिजतंय, असा प्रश्न राजकीय वर्तुळात उपस्थित होत आहे..कोल्हापूर : कोल्हापूर महानगरपालिका निवडणूक २०२५ साठी आरक्षण सोडत आज पार पडली. या निवडणुकीत एकूण ८१ जागांसाठी २० प्रभाग निश्चित करण्यात आले असून त्यापैकी महिलांसाठी ४१ जागा राखीव ठेवण्यात आल्या आहेत.आरक्षणानुसार ४९ जागा सर्वसाधारण, ११ जागा अनुसूचित जाती आणि २१ जागा नागरिकांचा मागास प्रवर्ग (ओबीसी) यांच्यासाठी राखीव आहेत. प्रभागनिहाय आरक्षण जाहीर होताच संभाव्य उमेदवारांमध्ये उत्सुकता वाढली असून राजकीय चर्चांनाही उधाण आले आहे.दहा वर्षांनंतर होणाऱ्या या निवडणुकीमुळे कोल्हापूरकरांमध्ये उत्साहाचं वातावरण पाहायला मिळत आहे..निवृत्त कर्नल अभय पटवर्धन यांनी सांगितले की, चारही दहशतवादी हे डॉक्टर होते आणि त्यांनी चीनमध्ये जाऊन एमबीबीएसचे शिक्षण घेतले होते. नंतर भारतात परत येऊन वेगवेगळ्या ठिकाणी डॉक्टर म्हणून प्रॅक्टिस करत होते. हल्ल्यात एक डॉक्टर शहीद झाला असल्याचेही त्यांनी सांगितले.कर्नल पटवर्धन म्हणाले, “डॉक्टरकडे लोक देवासारख्या भावनेने पाहतात. त्यांना कोणी दहशतवादी म्हणेल, असं कोणी कल्पनाही केली नसती. मात्र, या घटनेमागे एक मोठी पार्श्वभूमी आहे. पाकिस्तानमध्ये हसीन मुनीरला काही विशेष अधिकार देण्यात आले आहेत. ‘ऑपरेशन सिंदूर’दरम्यान भारताने पाकिस्तानला हानी पोहोचवली होती. त्यामुळे या हल्ल्यांद्वारे त्यांनी सूड घेण्याचा प्रयत्न केला असावा.”ते पुढे म्हणाले, “भारताची प्रगती अनेकांना खटकते. त्यामुळे बांगलादेश, चीन आणि पाकिस्तान हे तिन्ही देश एकत्र येऊन भारताविरोधात कारवाई करत आहेत. बांगलादेश ‘चिकन नेक’ प्रकरणावरूनही वाद सुरू आहे आणि त्यातून भारतावर दहशतवादी हल्ले घडवून आणले जात आहेत.”.राजधानी दिल्लीमधील लाल किल्ल्याजवळ सोमवारी संध्याकाळी मोठा स्फोट झाला.हा स्फोट लाल किल्ला मेट्रो स्टेशनच्या गेट नंबर 1 च्या बाहेर झाला.या हल्ल्यात 9 लोकांचं निधन झालं असून 20 जण जखमी आहेत.या स्फोटप्रकरणी बोलताना पंतप्रधान नरेंद्र मोदी यांनी म्हटले आहे की, दिल्ली स्फोटातील गुन्हेगारांना सोडणार नाही.मी अपक्ष खासदार असूनही मंत्री आणि अधिकारी माझ्यापासून घाबरतात, असे विधान सांगलीचे अपक्ष खासदार विशाल पाटील यांनी केले आहे. पालकमंत्र्यांसोबत दिसल्यामुळे माझ्यावर टीका होते, पण जिल्ह्याच्या तिजोरीच्या किल्ल्या त्यांच्या हातात आहेत, त्यामुळे त्यांच्या जवळ गेल्याशिवाय त्या किल्ल्या मिळणार नाहीत, असेही विशाल पाटील म्हणाले. स्थानिक आमदारांसोबत वैचारिक वाद असतात, पण निवडणुकीत आम्ही एकमेकांचा प्रचार करू, असेही खासदार विशाल पाटील यांनी सांगितले. सांगलीच्या मिरजेमध्ये एका विकास कामाच्या उद्घाटन प्रसंगी ते बोलत होते..बिहारमधील विधानसभा निवडणुकांच्या शेवटच्या टप्प्यातील मतदान आज होत आहे. सकाळी ९ वाजे पर्यंत १४.५५ टक्के मतदान झाले आहे. .दिल्ली स्फोटांनंतर देशातील धार्मिक स्थळांवर हाय अलर्ट जारी केला असून बुलढाण्यातील शेगावच्या प्रसिद्ध गजानन महाराज मंदिरात देखील सुरक्षा वाढविण्यात आली आहे..पुणेकरांसह राज्यातील भक्तांचं श्रद्धास्थान असलेल्या श्रीमंत दगडूशेठ गणपती मंदिरात श्रीमंत दगडूशेठ गणपती मंदिरात देखील सुरक्षा वाढवण्यात आली आहे. .ज्येष्ठ अभिनेते धर्मेंद्र यांच्या निधनाची अफवा असून त्यांची तब्येत आता स्थिर आहे आणि सुधारत आहे, त्यामुळे त्यांच्या प्रकृतीबाबत अफवा पसरवू नये असे धर्मेंद्र यांची मुलगी ईशा देओल हीने सोशल मीडिया पोस्टद्वारे आवाहन केले आहे. तिने पोस्टमध्ये म्हटले आहे की, माध्यमांमधून धर्मेंद्रजींच्या निधनाच्या बातम्या प्रसारित केल्या जातायत त्या खोट्या आहेत. माझे बाबा रुग्णालयात असून त्यांची प्रकृती सध्या स्थिर आहे. प्रकृतीत सुधारणा होत आहे. सर्वांना आवाहन आहे की खोट्या बातम्या पसरवू नका आणि बाबांच्या प्रकृतीत सुधारणा व्हावी यासाठी प्रार्थना करा. .पुणे रेल्वे स्थानकावर हाय अलर्ट जारी करण्यात आला आहे. लोहमार्ग पोलीस आणि रेल्वे सुरक्षा बल यांच्यासह डॉग स्कॉड, बॉम्ब शोधक पथक यांच्याकडून बॅगची आणि स्थानक परिसराची कसून तपासणी सुरू सुरु आहे. .दहशतवादी देशात आले कुठून? असा सवाल काँग्रेस नेते नाना पटोले यांनी विचारलाय. दिल्लीत झालेला स्फोट हा देशावर झालेला हा भ्याड असा हल्ला आहे. दिल्ली, काश्मीर असुरक्षित असल्याची प्रतिक्रिया काँग्रेस नेते नाना पटोले यांनी दिली. मोदींनी लोकांना खोटी आश्वासनं दिलीत असंही पटोले म्हणाले..राज्याचे मृद व जलसंधारण मंत्री तथा यवतमाळ जिल्ह्याचे पालकमंत्री संजय राठोड यांच्या मातोश्री प्रमिलादेवी दुलीचंद राठोड यांचे वृद्धापकाळाने वयाच्या ८५ व्या वर्षी रात्री ७ वाजून १५ मिनिटांनी आज सोमवार, दिनांक १० नोव्हेंबर रोजी दुःखद निधन झाले. .पुण्यात तापमान कमी झाल्याने गारठा वाढला आहे गेले दोन-तीन दिवसापासून तापमान कमी झाल्याने पुण्याची थंडीची लाट आहे. उत्तरेकडील थंड वाऱ्यांनी महाराष्ट्रावर स्वारी केल्याने राज्यात हुडहुडी वाढली आहे.पुण्यात आजचे तापमान 15 अंश सेल्सिअस एवढे होते.थंडी सुरू झाल्याने अनेकजण थंडीपासून बचाव करता स्वेटर कानटोपी घालून बाहेर पडत आहे..पुणे नगर रोडवर कामरगाव परिसरात चालत्या गाडीवर झेप घेणारा बिबट्या जखमी झाला आहे. आज सकाळी ही घटना घडली असून जखमी अवस्थेत बिबट्या रस्त्यावर बसून होता, त्याला पाहण्यासाठी लोकांनी रस्त्यावर गर्दी केली होती. वन विभागाला माहिती मिळताच ते घटनास्थळी दाखल झाले. त्यांनी बिबट्याला उपचारासाठी नेलं आहे. .पंतप्रधान नरेंद्र मोदी भूतान दौऱ्यावर गेले आहेत. ११ आणि १२ नोव्हेंबर रोजी पंतप्रधान मोदींचा नियोजित भूतान दौरा आहे. या दौऱ्यात जागतिक शांतता प्रार्थना महोत्सवात ते सहभागी होणार आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News: दिवसभरातील महत्त्वाच्या घडामोडी वाचा एका क्लिकवर...

डॉक्टर शाहीनचं महाराष्ट्र कनेक्शन, पोलिस अलर्टवर

Related Stories