MP Ricky AJ Syngkon Passed Away : ज्येष्ठ खासदार फुटबॉल खेळताना मैदानातच कोसळले, हृदयविकाराच्या झटक्याने निधन; राज्यावर शोककळा

देशात हृदयविकाराच्या झटक्याने निधन झाल्याच्या अनेक बातम्या दररोज समोर येत असतात. कोणाचे नाचताना, तर कोणाचे बसल्या जागी हृदयविकाराच्या झटक्याने निधन झाल्याच्या घटना घडल्या आहेत. मेघालयातून देखील अशीच धक्कादायक घटना समोर आली आहे. शिलाँगचे खासदार रिकी ए.जे. सिंगकॉन यांची गुरुवारी मावलाई मावईंग येथे फुटबॉल खेळताना प्रकृती बिघडली आणि त्यांचा मैदानावरच मृत्यू झाला. डॉक्टरांनी सांगितले की, व्हॉइस ऑफ द पीपल पार्टी (व्हीपीपी) चे नेते ५४ वर्षीय रिकी ए.जे. सिंगकॉन यांचे हृदयविकाराच्या झटक्याने निधन झाले.