मिल्खा सिंग यांच्या निधनावर PM मोदींनी व्यक्त केलं दुःख

भारताचे माजी आणि महान धावपटू मिल्खा सिंग यांचे वयाच्या 91 व्या वर्षी निधन झाले. कोरोना रिपोर्ट निगेटिव्ह आल्यानंतर अचानक त्यांची तब्येत खालावली. ऑक्सिजन लेव्हलही कमी झाली आणि रुग्णालयातच त्यांनी अखेरचा श्वास घेतला. मिल्खा सिंग यांच्या निधनाच्या वृत्तानंतर देशाचे पंतप्रधान नरेंद्र मोदी यांच्यासह अनेक दिग्गजांनी त्यांना श्रद्धांजली वाहिली आहे. पंतप्रधान नरेंद्र मोदी यांनी ट्विटच्या माध्यमातून दु:ख व्यक्त केले आहे. (Milkha Singh Passes Away PM-Narendra-Modi-Condoles-Death-Of-Legendary-Athlete)

पंतप्रधान नरेंद्र मोदी यांनी एक फोटो शेअर करत दिग्गज धावपटूला श्रद्धांजली वाहिली आहे. त्यांनी ट्विटमध्ये लिहिलय की, मिल्खा सिंग यांच्या रुपात देशाने महान खेळाडू गमावला. मिल्खा सिंग यांनी कल्पनेपलीकडे जाऊन आपल्यातील क्षमता दाखवून देत अनेक भारतीयांच्या मनात स्थान निर्माण केले. प्रेरणादायी व्यक्तीमत्व लाखो भारतीयांसाठी प्रिय होते. त्यांच्या निधनाची मन हेलावून टाकणारी आहे, या आशयाचे ट्विट करत मोदींनी त्यांना श्रद्धांजली वाहिली आहे.