‘लिव्ह इन’मध्ये राहणाऱ्या प्रियकराने केली प्रेयसीची हत्या| Murder | Sakal
sakal

बोलून बातमी शोधा

Murder

‘लिव्ह इन’मध्ये राहणाऱ्या प्रियकराने केली प्रेयसीची हत्या

मंदसौर जिल्ह्यातील भावगढ पोलिस ठाण्याच्या परिसरात बुधवारी ५८ वर्षीय प्रियकराने ६५ वर्षीय प्रेयसीला काठीने मारहाण केली. यानंतर प्रेयसीचा मृत्यू (murder of beloved) झाला. घटनेची माहिती मिळताच पोलिसांनी आरोपीला अटक केली. दोघेही २० वर्षांपासून लिव्ह इन रिलेशनशिपमध्ये (live in relation) राहत होते. मोहनलाल मोंगिया (वय ५८) असे आरोपीचे तर कमलाबाई नरसिंग भील (वय ६५) असे मृत वृद्धेचे नाव आहे.

पोलिसांनी दिलेल्या माहितीनुसार, मोहनलाल आणि कमलाबाई हे बनी गावात लिव्ह इन रिलेशनशिपमध्ये (live in relation) राहत होते. दोन दिवसांपूर्वी स्वयंपाक करण्याच्या कारणावरून त्यांच्यात वाद झाला होता. मंगळवारी रात्री अकरा वाजताही स्वयंपाकावरून दोघांमध्ये भांडण झाले होते. राग अनावर झाल्याने आरोपीने प्रेयसीवर काठीने वार केले. या मारहाणीत कमलाबाईचा जागीच मृत्यू झाला. यानंतर आरोपी घटनास्थळावरून पळून गेला.

हेही वाचा: कोरोनाची धास्ती; मंत्रालयातील बायोमेट्रिक तात्पुरती बंद

या खुनाची माहिती बुधवारी सकाळी भावगड पोलिसांना मिळाली. त्यानंतर पोलिसांनी घटनास्थळी नीमच एफएसएलच्या टीमला पाचारण केले. एफएसएल पथकाने पुरावे गोळा केल्यानंतर सायंकाळी मृत कमलाबाईचे आरोग्य केंद्रात शवविच्छेदन केले. याप्रकरणी पोलिसांनी गुन्हा दाखल करून आरोपीला अटक केली (accused arrested) आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :murderCrime News
loading image
go to top