AIMIM Chief Asaduddin Owaisi: 'मुस्लिम सर्वात जास्त वापरतात कंडोम....', AIMIM प्रमुख असदुद्दीन ओवेसी असे का म्हणाले?

नुकत्याच झालेल्या एका सार्वजनिक रॅलीत AIMIM प्रमुख असदुद्दीन ओवेसी यांनी मुस्लिमांमधील लोकसंख्या वाढीबाबत पंतप्रधान मोदींच्या वक्तव्यावर टीका केली. त्याचबरोबर "मुस्लिम सर्वात जास्त कंडोम वापरतात"असंही त्यांनी म्हटलं आहे.

ऑल इंडिया मजलिस-ए-इत्तेहादुल मुस्लीमीन (एआयएमआयएम) प्रमुख असदुद्दीन ओवेसी यांनी बोलताना सांगितले की, मुस्लिम सर्वात जास्त कंडोम वापरतात. ओवेसींचे हे वक्तव्य पंतप्रधान नरेंद्र मोदी यांनी मुस्लिमांबाबत केलेल्या वक्तव्यानंतर केलं आहे. ओवेसी म्हणाले, नरेंद्र मोदी हिंदूंमध्ये मुस्लिम बहुसंख्य समाज बनतील अशी भीती निर्माण करत आहेत. किती दिवस तुम्ही मुस्लिमांमध्ये भीती निर्माण करणार आहात. आमचा धर्म वेगळा आहे, पण आम्ही या देशाचे आहोत.

हैदराबादचे खासदार असदुद्दीन ओवेसी म्हणाले, तुम्ही द्वेषाची भिंत का उभी करत आहात? मुस्लीम जास्त मुले जन्माला घालतात ही भीती तुम्ही का निर्माण करत आहात? मोदी सरकारच्या आकडेवारीनुसार मुस्लिमांची लोकसंख्या वाढ कमी झाली आहे. ओवेसी पुढे म्हणाले की, मुस्लीम कंडोमचा सर्वाधिक वापर करतात आणि मला हे सांगायला लाज वाटत नाही.

“मुस्लिमांनी जास्त मुले जन्माला घालण्याची भीती तुम्ही का निर्माण करत आहात? मोदी सरकारच्या आकडेवारीनुसार, मुस्लिमांमधील लोकसंख्या वाढ आणि प्रजनन दर कमी झाला आहे. मुस्लिम सर्वात जास्त कंडोम वापरतात, आणि मला हे सांगायला लाज वाटत नाही,” असं ओवेसी यांनी एका जाहीर सभेत सांगितले आहे.

ओवेसी यांनी पंतप्रधान नरेंद्र मोदी यांच्या वक्तव्याचा निषेध केला आणि त्यांच्यावर दलित आणि मुस्लिमांबद्दल वैर निर्माण करण्यासाठी खोटेपणा पसरवल्याचा आरोप केला आहे. “एखाद्या देशाचा पंतप्रधान देशातील 15 टक्के लोकसंख्येला घुसखोर म्हणतो, यापेक्षा लाजिरवाणी दुसरी गोष्ट असू शकत नाही,” असं ओवेसी रॅलीत म्हणाले आहेत.

राजस्थानच्या बांसवाडा येथील रॅलीत पंतप्रधान मोदींनी काँग्रेस पक्ष सत्तेत असल्यास मुस्लिमांना संपत्ती वाटपाला प्राधान्य देईल असा आरोप केल्यानंतर ओवेसी यांनी हे वक्तव्य केले आहे.

राजस्थानच्या बांसवाडा येथील प्रचारसभेत पंतप्रधान मोदी म्हणाले होते, की काँग्रेस पक्ष सत्तेत आल्यास संपत्तीचे मुस्लिमांमध्ये वाटप करण्याला प्राधान्य देईल, आणि याचा घुसखोरांना फायदा होईल. मोदींच्या या वक्तव्याबाबत ओवैसींनी ही प्रतिक्रिया दिली आहे.