न्यायालयाने चारधाम यात्रेवरील बंदी उठविली, कोरोना नियमांचं पालन अनिवार्य

नवी दिल्ली : नैनीताल उच्च न्यायालयाने (nainital high court) चारधाम यात्रेवरील (chardham yatra) बंद उठविली आहे. मात्र, कोरोना नियमांचे पालन करण्याचे आदेश न्यायालयाने दिले आहेत. तसेच कोरोना निगेटिव्ह चाचणी देखील भाविकांसाठी अनिवार्य करण्यात आली असून कोरोना लसीकरणाचे प्रमाणपत्र दाखविण्याचे आदेश न्यायालयाने दिले आहेत.

नैनीताल उच्च न्यायालयाने उत्तराखंडमधील बद्रीनाथ, केदारनाथसह चारधाम यात्रेवर आधी लावलेल्या बंदीच्या आदेशाला 18 ऑगस्टपर्यंत वाढ केली होती. यासंदर्भात १८ जुलैला सर्वोच्च न्यायालयाने यासंदर्भात आदेश जारी करेपर्यंत ही स्थगिती कायम राहील, असे न्यायालयाने म्हटले होते. मात्र, आता ही बंदी उठविण्यात आली आहे. तरीही न्यायालयाने कोरोना नियमांचे पालन करणे गरेजेचे आहे, असे म्हटले आहे.

दरम्यान, उत्तराखंडमध्ये २२ जूनपर्यंत कोविडमुळे लागू केलेल्या संचारबंदीत वाढ केलेली असताना तीन जिल्ह्यातील नागरिकांसाठी चारधाम यात्रेला परवानगी दिली होती. अर्थात चारधाम यात्रेसाठी आरटीपीसीआरचा निगेटिव्ह रिपोर्ट यावेळीही अनिवार्य करण्यात आला होता. चमोली, उत्तरकाशी, रुद्रप्रयाग जिल्ह्यांसाठी चारधाम यात्रा करता येणार आहे. परंतु आरटीपीसीआर बंधनकारक करण्यात आली होती. आता न्यायालयाने चारधाम यात्रेवरील निर्बंध उठविले आहेत.