सबस्क्राईब करा
हैदराबाद : निवडणूक प्रचारादरम्यान, अल्पवयीन मुलांचा वापर केल्याचा आरोप करत तेलंगणचे काँग्रेसचे प्रदेशाध्यक्ष जी निरंजन यांनी दाखल केलेल्या एफआयआरमधून केंद्रीय गृहमंत्री अमित शहा आणि तेलंगणचे भाजपचे प्रदेशाध्यक्ष जी. किशन रेड्डी या दोघांची नावे वगळ्यात आल्याची माहिती पोलिसांनी सोमवारी दिली.
हैदराबाद येथील लालदरवाजा ते सुधा चित्रपटगृह या दरम्यान एक मे रोजी केंद्रीय गृहमंत्री अमित शहा यांच्या रॅलीचे आयोजन करण्यात आले होते. या रॅलीमध्ये शहा यांच्यासह काही अल्पवयीन मुलेही होती. याप्रकरणी अल्पवयीन मुलांचा वापर प्रचारासाठी करण्यात आल्याचा आरोप करत काँग्रेसने तेलंगणच्या मुख्य निवडणूक अधिकाऱ्याकडे तक्रार दाखल केली होती.
त्यानंतर संबंधित अधिकाऱ्याने हे प्रकरण पोलिसांकडे तथ्य तपासण्यासाठी वर्ग केले. यानंतर शहर पोलिसांकडून एफआयआर दाखल करण्यात आला. यामध्ये अमित शहा, जी. किशन रेड्डी, माधवी लता, टी.राजासिंह आणि टी. यमनसिंह यांच्या नावाचा समावेश एफआयआरमध्ये करण्यात आला होता. याप्रकरणी तपासणी केली असता, शहा आणि रेड्डी यांचा या प्रकरणात कोणताही समावेश नसल्याचे स्पष्ट झाल्याने पोलिसांनी या दोघांची नावे एफआयआरमधून वगळली आहेत. उर्वरित नेत्यांविरोधात खटला सुरू राहणार असल्याचेही पोलिसांनी सांगितले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.