Cyber fraud: मुल होत नसलेल्या महिलेला गर्भवती करा अन् बक्षीस मिळवा; बेरोजगार तरुणांच्या पडल्या उड्या!

नवाडा- सायबर गुन्हेगार लोकांना फसवण्यासाठी वेगवेगळे मार्ग अवलंबताना दिसत आहेत. बिहारमधील एका टोळीने तर नवाच फंडा शोधून काढला आहे. मुल न होणाऱ्या महिलेला गर्भवती करा आणि १३ लाख रुपये मिळवा असं आमिष दाखवून या भामट्यांनी अनेक तरुणांना फसवलं आहे. या टोळीने यासाठी 'ऑल इंडिया प्रेगनंट जॉब एजेन्सी' नवाडा जिल्ह्यात सुरु केली होती. (NAWADA Cyber frauds job was to make women pregnant and the payment offered was handsome)

बेरोजगार तरुणांना हे आरोपी सांगायचे की, तुम्हाला केवळ एकच काम आहे. मुल होत नसलेल्या महिलेला गरोगर करायचं आणि तुम्हाला चांगली रक्कम मिळेल. ऑफर एकदम चांगली होती, त्यामुळे अनेक बेरोजगार तरुण यांच्या सापळ्यात अडकले. याप्रकरणी पोलिसांनी आठ जणांना ताब्यात घेतले आहे. मात्र, मुख्य सूत्रधार मुन्ना कुमार सध्या फरार आहे. पोलीस त्याचा शोध घेत आहेत.

कशा प्रकारे फसवणूक करायचे?

सायबर घोटाळा करणारी टोळी तरुणांना सुरुवातीला नोंदणी शुल्क म्हणून ७९९ रुपये भरायला लावचे. याबदल्यात काम झाल्यास १३ लाख रुपये देण्याचे ते आमिष द्यायचे. डीएसपी यांनी दिलेल्या माहितीनुसार, आरोपी तरुणांना वॉट्सअॅपवरुन संपर्क साधायचे. त्यांना सांगायचे की, मुल होत नसलेल्या महिलांना गर्भवती करण्याचे काम आहे. त्यानंतर आरोपी तरुणांना अनेक महिलांचे फोटो पाठवायचे.

फोटो तरुणांना पाठवल्यानंतर आरोपी सेक्टुरेटी डिपॉझिट म्हणून आणखी काही रक्कम भरण्यास सांगायचे. ते तरुणांकडे ५ ते २० हजार रुपयांपर्यंतची मागणी करायचे. सुंदर आणि आकर्षक महिलांसाठी जास्त रुपये आकारले जायचे. महिला गर्भवती राहिली तर त्यांना १३ लाख रुपये मिळतील म्हणून सांगितलं जायचं. तसेच महिला गर्भवती राहिली नाही तरी सांत्वन रक्कम म्हणून ५ लाख रुपये दिले जातील असं ते सांगायचे.

आरोपींनी टाकलेल्या या जाळ्यात अनेक तरुण आले होते. त्यांनी काही रक्कम आरोपींना दिली होती. आपली फसवणूक होत असल्याचे काही तरुणांच्या लक्षात आल्यानंतर त्यांनी पोलिसांकडे याप्रकरणी तक्रार दाखल केली. त्यानंतर या प्रकाराचा भांडाफोड झाला. पोलिसानी आरोपींकडून ९ मोबाईल फोन, २ प्रिंटर्स आणि काही डाटा शीट जप्त केले आहेत. (Latest Marathi News)