NDRF चे ट्विटर अकाउंट हॅक; चौकशी सुरु

दिल्ली: नॅशनल डिझास्टर रिस्पॉन्स फोर्स (NDRF) चे ट्विटर अकाउंट हॅक करण्यात आले आहे. अशी माहिती NDRF चे महासंचालक अतुल करवाल (Atul Karwal) यांनी दिली आहे. शनिवारी रात्री ट्विटर अकाउंट हॅक झाल्याचे त्यांनी सांगितले. तसेच ट्विटर हॅक कसे झाले याची चौकशी सुरु आहे असे ही त्यांनी सांगितले.

आपत्ती व्यवस्थापन कायदा 2005

देशातील आपत्तींना तोंड देण्यासाठी भारत सरकारने 2005 साली आपत्ती व्यवस्थापन कायदा लागू केला. एखाद्या नैसर्गिक किंवा मानवनिर्मित आपत्तीच्या वेळी होणारी हानी टाळण्यासाठी पथक स्थापन करण्याचे आदेश देण्यात आले. त्याअंतर्गत 2006 मध्ये NDRFची स्थापना करण्यात आली. भारतात सर्वच ठिकाणी हा कायदा लागू आहे.कोणतीही दुर्घटना घडल्यानंतर तातडीने बचावकार्य करण्याची जबाबदारी NDRFकडे असते. याचं कामकाज गृह मंत्रालयाच्या अंतर्गत येतं.