नवी दिल्ली रेल्वे स्टेशनवर शनिवारी रात्री चेंगराचेंगरी झाली यात १८ जणांचा मृत्यू झाला आणि अनेक जण जखमी झाले. ही घटना रात्री १० वाजताच्या सुमारास प्लॅटफॉर्म क्रमांक १३ आणि १४ वर घडली. प्रयागराज महाकुंभाला जाण्यासाठी हजारो भाविक स्टेशनवर जमले होते आणि ट्रेनमध्ये चढण्याचा प्रयत्न करत होते, यादरम्यान चेंगराचेंगरी झाली. घटनेची माहिती मिळताच दिल्लीचे उपराज्यपाल व्हीके सक्सेना आणि माजी मुख्यमंत्री आतिशी जखमींची प्रकृती जाणून घेण्यासाठी रुग्णालयात पोहोचले.