काँग्रेस नेत्याच्या मुलाचे ISIS कनेक्शन? NIA चा छापा

नवी दिल्ली- कर्नाटकमधील काँग्रेसचे (Congress ) दिवंगत नेते बीएम इदिनब्बा यांच्या घरावर राष्ट्रीय तपास एजेन्सीने (National Investigation Agency) छापेमारी केली आहे. त्यांचा मुलगा बीएम बाशाचे दहशतवादी संघटना इस्लामिक स्टेटसोबत कनेक्शन असल्याच्या आरोपात एनआयएने ही छापेमारी केली आहे. बीएम बाशाचा कर्नाटकात रियल इस्टेटचा व्यवसाय आहे. मंगळुरुच्या मस्तीकट्टेमध्ये असलेल्या बाशाच्या घरावर एनआयएने बुधवारी सकाळी छापेमारी केली. सध्या एजेन्सीकडून बाशा आणि त्याच्या पत्नीची चौकशी केली जात आहे. एनआयएची २० सदस्यीय टीम बाशा याच्या घरावर छापेमारी करण्यासाठी पोहोचली होती. (National Latest Marathi News)

एनआयएकडून बुधवारी सकाळी जम्मू काश्मीरमध्ये तीन जागांवर छापेमारी करण्यात आली आहे. यात एक बांदीपोरातील हार्डवेअरचा समावेश आहे. एजेन्सीने म्हटलं की, याप्रकरणी अजूनही छापेमारी सुरु आहे. सूत्रांच्या माहितीनुसार, काँग्रेसचे माजी नेत्याच्या मुलावर इस्लामिक स्टेटशी संबंध ठेवल्याचा आरोप आहे. याचप्रकरणी एनआयएकडून छापेमारी केली जात आहे. एएनआयने यासंदर्भातील वृत्त दिलं आहे.