नवी दिल्ली : सर्वोच्च न्यायालयाच्या अधिकृत इ-मेलवर तळटीप म्हणून ‘सबका साथ सबका विश्वास’ या घोषवाक्याच्या जोडीला पंतप्रधान नरेंद्र मोदी यांचे छायाचित्र छापण्यावरून उद्भवलेला वाद अखेर मिटला आहे. राष्ट्रीय माहितीशास्त्र केंद्राकडून (नॅशनल इन्फर्मेटिक्स सेंटर-एनआयसी) हे चुकून घडल्याचे कारण पुढे करण्यात आले आहे.
सर्वोच्च न्यायालयानेच ते हटविण्याचा आणि त्याऐवजी आपल्या इमारतीचे छायाचित्र तेथे छापण्याचा आदेश दिला. सर्वोच्च न्यायालयाला इ-मेल सेवा पुरविण्याचे काम एनआयसी करते. त्यांच्याकडून अनवधानाने झालेल्या चुकीतून काही जणांनी वाद निर्माण केला, असे सूत्रांनी सांगितले. काल उशिरा सर्वोच्च न्यायालयाच्या नोंदणी कार्यालयाच्या निदर्शनास ही बाब आणून देण्यात आली. घोषवाक्य आणि मोदींच्या छायाचित्राचा न्याययंत्रणेच्या कारभाराशी काहीही संबंध नसल्याचेही नमूद करण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.