निर्भया बलात्कार प्रकरण : अखेर तो निर्णय झालाच!

नवी दिल्ली : निर्भया बलात्कार प्रकरणात दिल्ली उच्च न्यायालयाने आज (ता. ५) महत्त्वाचा निर्णय दिला. चारही दोषींना एकाच दिवशी फाशी होईल तसेच चारही जाणांना कायदेशीर पर्यायांचा वापर करण्यासाठी फक्त एका आठवड्याचा आवधी देण्यात आला आहे. या निर्णयाचे स्वागत करत निर्भयाच्या आईन आशादेवी यांनी दिल्ली उच्च न्यायालयाचे आभार मानले आहेत. 

ताज्या बातम्यांसाठी डाऊनलोड करा ई-सकाळचे ऍप

सर्वोच्च न्यायालयाच्या निर्णयानुसार २२ जानेवारीला या चौघांना फाशी देण्यात येणार होती. मात्र, त्यांनी टप्प्याटप्प्याने दयेचा अर्ज राष्ट्रपतींकडे दाखल केला. त्यानंतर क्युरेटिव्ह याचिका दाखल केली. यामुळे त्यांच्या फाशीवर स्थगिती येऊन ती पुढे ढकलली गेली. यानंतर २ फेब्रुवारीला पुन्हा एकदा त्यांची फाशी ठरली मात्र त्याआधी पुन्हा एकदा एका दोषीने माफीचा अर्ज दाखल केल्याने त्या फाशीला स्थगिती मिळाली. आज उच्च न्यायालयाने या सगळ्या बाबी अभ्यासून दोषींना एका आठवड्याचा कालावधी दिला आहे. या एका आठवड्यात त्यांनी उर्वरित कायदेशीर पर्यायांचा अवलंब करायचा आहे. त्यानंतर एक तारीख निश्चित होऊन चौघांना फाशी दिली जाईल, असे दिल्ली उच्च न्यायालयाने सांगितले आहे. 

"Nirbhaya Case:निर्भयाची आई म्हणते, 'आग लावा कायद्याच्या पुस्तकांना'

१६ डिसेंबर २०१२ मध्ये दिल्लीच्या वसंत विहार भागात तरूणीवर पाशवी बलात्कार करून तिला मारण्याचा प्रयत्न करण्यात आला होता. त्यानंतर अतिशय वाईट परिस्थितीत तिने झुंज दिली व तिचा मृत्यू झाला.